كلك تعالي غلا

[abu saif]

كلك تعالي غلا…ولا ارجعي كللك

بعض الغلا منك مايستاهل الجيه
طالت وانا في رجا ليتك!..وياعلك

اوراق ببالذاكره…واوراق منسيه
ما بل ثوبك مطر شوقي ولا بلك

لو علتك من سحاب الروح وسميه
ليه امشي الدرب دامه ما يوصل لك

تخاف رمضا الضياع اقدام رجليه
يابنت تو الهوى ما صرت انا خلك

للحين ما زالت الصوره رماديه
ومازال بعض الغموض الشره يحتلك

وشلون انا اعشقك واحبك على النيه
اشوفك هناك قدامي…ولا ادلك

صعب الكتابه ليا صار الورق ميه
ان كان شمسك تساومني على ظلك

ما عاد ابي منك لا شمس ..ولا فيه
اما تعالي لقلب فز لك كلك

ولا اتركيني ما ابي لك بالهوى جيه

transmited but i dont know who said it

[ابوناصر]

مشكورررررررررر ابوسيف
فصيده حلوه يعطيك العافيه
وتقبل مني هذه الابيات
مدري من قايلها لكن
اعجبتني


تشتاق لك عيني .. لك الروح تشتاق
ليت المشاعر .. وامرها في يديني
لا شفت قلبك .. ما درى عني .. وساق
أعذار تمنع شوفتك يا حنيني
باقول حانت ساعة البعد .. وفراق
غالي .. يساوي بالغلا نور عيني
غالي جََرَح .. كل المشاعر .. بالاعماق
وخَلاَّ مواجع نزفها تحتويني
وما دام حسِّك .. ما يبالي .. ولا فاق
ما همني ما صار .. بينك .. وبيني
ويصير قلبي .. لاجل سلواك سَبَّاق
يومين .. ويَمْسَح كل ذكرى تجيني
وابشّرِك .. صدري من الصد .. ما ضاق
برُود قلبك .. موَّت الحب فيني

[الخالد]

وأنت الغلا كلة
يابو سيف
تسلم لنا وتسلم يمناااك
على الابايت الرائعة

[abu saif]

تسلموا الجميع و يسلم ذوكم الرفيع,
الاخ ابو ناصر عاجزين عن شكركم على القصيده
التي صراحه فوووووووووووق العاده

[مارب الوادي]

ابو سيف


لك فائق الشكر والتقدير على ما نقلت


وننتظر على احر من الجمر اخر ما تعرفه



ولك خالص تحياتي
مارب الوادي