مـاذا قالو عن الابل

[سهيل اليماااني]

السلام عليكم جميعا

كثير من الشعراء والبدو الرحل نظموا الشعر في البل ومراعيها فارجو ممن لديه شيئ من تلك الاشعار ان لا يبخل علينا بها وانا اعدكم باني ساقوم بجمع ما اقدر عليه خلال الايام القادمه ولكم تحياتي


قال الشاعر
البل ولا ذلان ترعاها \\\\\ تشرب لبنها ولا تدري بقافيها

ارجو مشاركة الجميع

[الشهاب]

قصة الشمالي وناقته الهديه

هذه قصة قديمه جرت على شخص اسمة عبدالله بن مفرح الدوسري الملقب (بالشمالي)اصيب يوم بمرض الجدري ولزم الفراش حوالي شهرين وكانت ناقته اسمها( الهدية) قد حست بغياب صاحبها ودائماً تجىءاتجاه بيت الشعر وترفع رواق البيت براسها وتطالعه وتحن وبعد مدة توفي صاحبها فصارت الناقة كل ماوردت تجيء الى البيت وتنهض الرواق براسها ولاتجده ثم تسري فسارت ابنته ساره تعقلها حتى لاتسري في الليل ومضى نصف شهر وهي " تهجرع"بالحنين وكان عندهم جاراسمه حصيبان وفي ليله من الليالي توقظ وهي "تهجرع" بالحنين عند مشب النار وهاضت قريحته بأبيات طويله من الشعرمنها يقول:

مل قلب هيضه حـــــــس الهديه
هجرعت بالصوت من عقب الشمالي
ياذلول القرم حـــــــماي الرديه
اصبري عقبه على سقــم الليــالي
ذكرت بالــــحب من عينه شقيه
ذاكــر في نجـد خـــــلان وغـــالي
عقب فــــــقده ماتوالف للرعيه
تطــرده ساره على روس المفالي
عزتي لــــــــــلقرم حطوله بنيه
عـزتي للقرم مـن قبر هيــــــــالي
عادته بالكون يثني لــــــــلرديه
ينسم الـــــحفيات ريــف للهــزالي

تحياتي

الشهاب

[سهيل اليماااني]

السلام عليكم ورحمة الله وبركاته

شكرا اخي الشهاب على المشاركه وامنا منك ومن الجميع اعطاء الموضوع حقه

اليكم هذه المشاركه المتواضعه لشاعر ابن ريفه القحطاني

قال ابن ريفه بدافي المرقـب iiالعالـي \\\ واعلا المراقيـب تومـي بـه iiهبايبهـا
يامرقبي جـاك مـن الاسبـار همالـي \\\ انصوب مزن من المنشـا يهـل iiابهـا
ما يدهله كون صافي الريـش iiولوالـي \\\ ولا الولع يـوم يفتـك فـي iiعجايبهـا
انـا ولـد طارفـه مانيـب iiكسـالـي \\\ اخاف مـن خبـرة باحـت iiمزاهبهـا
عليك يا مرقـب جيتـه وانـا iiسالـي \\\ هيض على القلب ديارنٍ شطيـت iiابهـا
هيض عليه شدوق ( الثفن ) لا iiسالـي \\\ عطفة ( طريب ) ليا زافـت عجايبهـا
لامن غدا الفيـض كنـه زرع iiعمالـي \\\ سيلـه مـن القـدم للبطنـان iiناهبـهـا
كم مـرة قـد نزلنـا عشبـه iiالمالـي \\\ بيوتنـا لاوزا المجـرم يـلـوذ iiبـهـا
تنزلـه ببيـوت عــراف iiوجهـالـي \\\ وانا جا النذر مـن خفيـف iiمانزهبهـا
ربعي ( عبيدة ) الياجاهـوش iiوقتالـي\\\ هل هية في الضحـى تشعـا iiكسايبهـا
انشد ( عبيده ) هل الطولات من حالـي \\\ وانشـد الاجانيـب يـوم انـا iiنقربهـا
منهـو يقلـط علـى فـرش iiوفنجالـي \\\ سعد ابـن عمـه لياجاتـه مكاربهـا؟!
لامـن غـدا بيـن نقـاض iiوفتـالـي \\\ وصفت الاجانيب واذاتـه بطلايبهـا ii؟!
ثم جيتها ثم لفحت بهـم علـى الجالـي\\\ لفـح الدالـي للمعـدي يـوم يجذبهـا
ياركب ميمونه فـي مشيهـا iiارمالـي \\\ ماشتحن مـن هـل العيـرات iiراكبهـا
تزهي السفايف وتزهي الخرج iiوحبالي \\\ ومجرب لاسرى فـي الليـل iiصالبهـا
ملفاك من يلبسـون الجـوخ iiوالشالـي \\\ ربعي ودرعي وضـد اللـي iiيحاربهـا
ملفـاك شيـخ القبيلـة حامـي التالـي \\\ عند ( ابن شفلوت ) يالمنجوب iiقربهـا
قل له على طالت المدة وانا ( جالـي ii) \\\ عشر ( سنوات ) مضت بحساب مقطبها
فان كان ربعي نسوني مانيـب iiغالـي \\\ باعيش فـي ديـرة قفـرا جوانبهـا ii!!
في ايدي قرار تكـف الجمـع iiلاهالـي \\\ طويلـة ناحـل مقـضـب iiخشايبـهـا
لي بندق ما صنعهـا الصانـع iiالتالـي \\\ من دقة ( المارت ) نحـال iiمقاضبهـا
شريتها بالثمن يـوم ارخـص المالـي \\\ إميـه وعشريـن مـا يمهـل بغايبهـا
الله يرحمـك يـا عـود شراهـا لـي \\\ مـن واحـد جابهـا للسـوق iiجالبهـا
حديدهـا واذكـر الله كـنـه iiريـالـي \\\ كـن الحيايـا تطـوافـي مقاضبـهـا
اقف بها بيـن ربعـي وامنـع التالـي \\\ لا خف ولد الردي ما احتـال يزهبهـا
عط الطويلة عريـب الجـد iiوالخالـي \\\ ولد الردي لا تلخونـه يـزول بهـا ii!!
واللـي رفيـع وللشوفـات حمـالـي \\\ ارفـع نواصيـه يـاربـي وقطبـهـا
وانا من الخبرة اللـي شورهـم iiعالـي \\\ واهل سلـوك الـردي يـارب iiتذهبهـا
بنت غراهـا زبـاد فـي ايـد iiدلالـي \\\ ولا طمـوح هواهـا مـن iiيلاعبـهـا
كم مـرة قـد ضربنـا منجـم خالـي \\\ وكـم جملـة فرقتهـا مـن iiربايبـهـا
وليـا لفونـا مـن المقنـاص iiزعالـي \\\ أحـد مـدح بندقـة واحـد يعذربـهـا
بشرتهـم العشـا مـن عقـب iiمقيالـي \ \\ القايـدة مـع مـرد الكـوع iiضاربهـا
اضرب بها الوعل لاجاد لـه تهنفالـي \\\ ابـو حنيـة كبيـر الـراس iiشايبـهـا
ذبحت عشرة بهـا والظـل مـا iiمالـي \\\ والحاديـه روحـت تثلـغ iiمضاربهـا
وبالله انـا طالبـك حمـرا هـو iiبالـي \\\ لا روح الجيـش طـفـاح iiجنايبـهـا
لا روح الجيش حاديه اشهـب iiاللالـي \\\ لا هي تـورد وسيـع صـدر iiراكبهـا
اللي على كورهـا واللـي بالاحبالـي \\\ واللي علـى عيزهـا واللـي iiبغاربهـا
لا روحت مع سباريت الخـلا iiالخالـي \\\ كـن الذيابـه تنهـش مـن ترايبهـا!!
تمـت وصلـوا عـدد ماهـل iiهمالـي \\\ علـى نبـي شـروع الحـق iiرتبـهـا
اغفـر ذنـوب الفتـى يـالله iiياوالـيصى \\\ لا جيـت فـي حفـرة رزوا نصايبهـا

[سهيل اليماااني]

[اخواني الكرام اليكم هذه الابيات التي لا علم صاحبها

وقصة الابيات ان الشاعر صغير السن يحب الابل .. وليس لديه الا ناقة واحده مع حوارها ..

وقد المّ بالناقة مرض ومرض صغيرها تبعاً لها ..

ونصحه البعض ببيعها قبل ان تموت .. فاعتبرهم حساداً من باب المزاح معهم!!

وفي احد المرات ذهب اليها ووجدها في حالة مزرية .. وكان قد اشترى لها شعيراً ..

وتمثّل بهذه البيات :





يا ناقتي ياللي اتلـوّى مـن الجـوع \\\\\\\\\\( يفداتس ) كيس من الشعير استرالي
ثنيـةٍ فـي سنهـا سلّهـا الجـــــوع \\\\\\\\\\والغاليه يرخـص لهـا كـل غالـي
نشرب لبنها والدسم منـه منــزوع \\\\\\\\\\ ونسقيبه اللي تايـه امـن العيالـي
ياللي تعذرب ناقتـي تـرك مقـروع \\\\\\\\\\ تبغي تعذرب في عزيز الحلالـي ؟؟
الحاسد اللي يلتـوي كنـه ملسـوع \\\\\\\\\\جعله حسود وجعل شربـه حثالـي




وقد استمروا في نصحه ببيعها وعدم شرب حليبها .. فقال :




يالله المطلـوب وانـا دخيـلــــــــه \\\\\\\\\\ وانا دخيله من عيـال الحرامـي
الله مـن قلـبٍ تزايـد زفيــــــــره \\\\\\\\\\ ويونّ ونّة مـن دنـاه الهيامـي
كنها اتلامس به سلوك الظفيـــره \\\\\\\\\\ يقدح بقيفـانٍ ويبـدي نظامـي
من ناقةٍ مـا مثلهـا بالجزيــــــــره \\\\\\\\\\ اليا استقامت وسّطت بالغمامي !!
وحوارها في المشي يعجبك سيره \\\\\\\\\\ كنّه غرير ٍ فوق سن الفطامـي
سمّيتهـا فيـروز ولاّ سميـــــــــره \\\\\\\\\\ تقبل وتدبر مثل ظبـي العدامـي
من نسلٌ ناقة صالح المستجيـــــره \\\\\\\\\\ عليه من ربي صـلاة وسلامـي






وسلامتكم ..
والعهده على الراوي ..


وتقبلوا تحياتي