مسلسل (مستحيل انساك )على قناة كل الغلااااا

[كل الغلا]

مستحيل أنساك.............
للكاتبة: فلونة ...(كل الغلا)


هي حكاية من الواقع اللي نعيشه،من حيث الشخصيات الأحداث حتى الزمان ، حديثه مب قديمه ،بس في شوي من الخيال اللي يخليها تحلا شوي وعشان محد يمل..


هذي الله يسلمكم قصة أسرة كبيرة تتكون من ثلاث عوائل مجتمعين دائما بينهم علاقة حب واخوة وتعاون لأن تدرون الأخوان للأخوان دايما يتشاورون في كل شي محد يسوي شي بروحه إلا لين ما ياخذ راي إخوانه المهم ماعلينا من الأحداث بتتعرفون عليهم أكثر..

عائلة بو حميد
بوحميد هو كبير أخوانه مزارع بسيط في مزرعته مصدر رزقه الأول لأنه أمي مايعرف يكتب ولايقرأ بس ماشاالله مثقف واييييد ومتابع خطير للأخبار ما يفوته شي عنده حميد اللي عمره 26بيطري أعزب إنسان عصبي وايد محد يعرف كيف يتعامل معاه مخه موقف على أيام زمان من عصر جدي كل شيء عنده عيب ،راشد أخو حميد عمره 22 أعزب يدرس في الجامعة أنسان مثقف طيوب وايد حبوب يحب يتطنز على أي حد جدامه طموح لأبعد الحدود ..عندهم أختهم ظبية متزوجه ولد عمها خليفة عندها ولد اسمه راكان..



عائلة بو خليفة
بو خليفة هوالوسط بين إخوانه رجل أعمال كبير معروف على مستوى القبايل مثقف اندماجي إلى حد ما... رجّال منظم واييد مايحب الحوسة يحب كل شي على حسب النظام أسلوبه اتكيتي 90% يعني إذا شفته جدامك تعرفه رجل أعمال ،عنده خليفة كبير عياله عمره 25متزوج وعنده عيال موظف عادي عصبي وايد ما عنده دلع عقله متحجر كل شي عنده مايجي بسهولة إذا تبا شي منه لازم تذل عمرك عنده وهو يتلذذ سادي يعني يحب يشوف الواحد يتعذب جدامه لكن لا جاء وقت الصدق يتحول إلى إنسان غييييير كل شي يصيير العكس ..سلطان أخوه عمره 21 أعزب طيب حبوب كريم واييد محاسب في بنك مب ماخذ شهادة جامعية لأن مستواه الدراسي ما كان ذاك الزين يعني بالكاد كان ينجح، حمدة أختهم عمرها 19 تدرس في الجامعة سنة ثانية طيوبة حبوبة مؤدبة رومنتك تتأثر بأي شيء حتى لو تشوف حد يبكي تبكي معه حتىلو ما تعرفه ،سلامة أختها الصغيرة عمرها18 تدرس جامعه سنة أولى عصبية لسانها طويييييل ماتحب تسكت عن أي شيء سواء كان صح أو غلط أما إذا كان غلط ومسكت الغلطان فإعرفوا إنه بيموت أو بينضرب ضرب مابينساه أبد الكل مايحب أسلوبها في التعامل،فهد وجاسم أخوانهم الصغاربعدهم يدرسون.


عائلة بوحارب

بو حارب أصغر أخوانه رجل أعمال مبتدئ هذا عاد محد يعرف صدقه من كذبه المهم انه يطيب خاطر اللي جدامه يحب الضحك والمزح وايد وبما انه العم الصغير فالكل يحبوه ويعلقون عليه وحتى بعضهم يلجأون عنده يوم يتضايقون .حارب ولده الكبير عمره 18أعزب يدرس في الكلية ويتعلم عند أبوه شوي في الشركة اللي أبوه يشتغل فيها حارب من شكله اللي يشوفه يقول هذا إنسان ستايل وايد يحب يهتم في شكله وملابسه وحتى شعره كل شي عادي عنده.شيخة أخته عمرها17 تدرس في الثانوية هادية ومن النوع الساكت لكنها عصبية وكل شي عندها بنظام بس تحب التغيير ماتحب الركود ولا تحب حركات الدلع يعني خشنة شوية وعندها كل شي حسب العادات والتقاليد.حصة أختها الصغيرةعمرها16 دلوعة بكاية بسرعة تبكي إذا محد عطاها ويه ولازم يلبوا طلبها...وخالد أخوهم الصغير الدب يدرس بعده في الإبتدائية..

الجزء الأول
في بيت العم الكبير بو حميد قاعدين يجهزون البيت ويرتبونه حق باجر لأن باجر العيد الكبير عيد الأضحى فأم حميد مايهدى لها بال لازم تسوي كل شي مع الشغالات وتشوف زين إذا يرتبون أو لا
دخل ولدها راشد البيت راد من الجامعة:السلام عليكم يمه الله يعطيج العافية خليت البيت يلمع
أم حميد:الله يعافيك ياولدي ها شورايك زين
راشد:إلا زين بس لكن ليش شوالسالفة من بيي عندنا؟؟(يستهبل)
أم حميد:ليش نسيت إنه باجر العيد حد ينسى.
راشد: وأنا أقول ليش الخروف في الحوش..يمه أستهبل وياج وإنتي تصدقين بسرعة ثاني شي كيف أنسى وباجر مأجزيين؟؟حد ينسى.
ام حميد: ههه ههه ههه..(ضحكة حرمة كبيرة)
حميد دخل:شوفيكم تسولفون وتضحكون ضحكونا معاكم؟؟,
أم حميد: تعال شوف أخوك يقول إنه يستهبل علي...
حميد:استهبالك حتى مع أمك ويا ويهك أقول يمه جهزتوا الفواله ولا أروح أييب.؟؟
أم حميد:لا يمه بعدنا وإذا بتروح وإنت راد ييب معاك حلوى عمانية.
راشد: هيه دخيلك والله إني مشتهي آكل حلوى عمانية وزوّد منها..
حميد: فالج طيب يا يمه وشي بعد في خاطرك يا راشد..؟؟؟؟!!!!!!!!!
راشد:أوووه أخوي شاللي مغيرك عليّ رايق يا ريال..
حميد ما عطاه ويه وطلع ييب الفواله ما بقى غير راشد وأمه..
راشد : أمي باجر قوم عمي كلهم بيوون ولاّ لا؟؟؟(لأنه مو مصدّق إنه بيشوف حمدة لأنه يحبها وايد)
أم حميد:راشد شو فيك أقولك باجر عييييد يعني الكل بيوون..
راشد: وناسه يعني باجر في بر يعني في دراجات .. (أونه عاد)

في بيت بو خليفة
بو خليفة: أم خليفة جهزوا أغراضكم ترانا بنتم يومين هناك في المنطقة الشرقية خبري العيال كلهم ..خليهم يتجهزون .
حمدة:يمه صدق بنرقد عند قوم عمي يومين (مب مصدقه إنها بتشووف حميد)
أم خليفة:إيه جهزن أغراضكن إنتي واختج..
حمدة:الله يعني بنسيير البر هناك.(أونه عاد)
الكل يتعذر بالبر لأنهم متعودين في العيد وخاصة لما يكون الجو بارد
سلطان:فهد جاسم تعالوا بنسير نشتري بناطلين وقمصان حق البر عشان نركب الدراجات.
خليفة:سلطان أفا أنا أخوكم اشتروا لي معاكم وبالمرة بعد بدله حق راكان ولدي..بيلعوزني صياح..
سلامه:أنا ليش دايما جذيه ما القى لي ملابس حلوة بسهولة مثل حمدة..سلطان اصبر بلبس عباتي وبيي وياكم..
سلطان:انزين بسرعة لا تتاخرين....وراحو المول...

بيت بو حارب
بو حارب: أم حارب وين الخيمة اللي نستعملها دوم حق البر ماليقيتها في الستور..
أم حارب: ما أدري انا اخر مرة شفتها في الستور اسأل حارب يمكن يعرف؟؟؟
راح وسأل حارب
حارب: هيه الخيمة في سيارة راشد من ذاك اليوم يوم رحنا البر أنا والشباب..
شيخة:ليش تسألون عن الخيمة يعني في بر الله وناسه..
حصة: عاشوا بنركب باجر دراجات..
شيخة:شو تركبين..ماتستحين..عيال عمج كلهم بيكونوا هناك متجمعين.
حصة: أي أقولج إذا انتي تستحين انا ما عّلي منج انا مابّطوف هالرحلة عشانج يا حلوة..
حصة راحت تدق على بنت عمها حمدة هالبنتين ربع مع ان فارق العمر بينهن كبير بس انسجمن ويا بعض
حصة:ألو حمدة كل عام وانتي بخير مقدما شحالج
حمدة:وانتي بخير مقدما الحمدلله شحالج
حصة:انا بخير بس بغيت اسالج شو جهّزتي حق البر
حمدة: حصوووه..شو جهّزت !!برمودا وقميص وكاب..شو تحسبينا بنروح بيروت جهزّت جلابية وشيلة صلاة ..بلبسها وادري ودج انانركب الدراجات عادي بالجلابية ليش انتي شو ناوية؟؟!!!
حصة: بذمتج ..حلاتج وانتي في شيلة الصلاة فوق الدراجة..شو بايعة عمرج..تنورة وقميص أهون عن الجلابية..
حمدة:لامابا..العيد اللي طاف سويت جذي محد قال شي صح الشكل يضحك بس ما عّلي من حد وانتي كيفج بتلبسين مثلي برايج..اللهم بزود نظارة شمسية اذا في شمس..
حصة:بعد كملت ..خلاص عيل كليتيني يا أم خماس..باي أقول بنّطقم النظارات والشيل والجلابية.
حمدة:أوكي يا ام سعيد باي.........

يوم العيد في بيت بو حميد
أم حميد في الصالة يالسة تصب قهوة حق بو حميد
أم حميد : من العايدين يا بو حميد وكل عيد وانت سالم يارب
بوحميد:من الفايزين وانتي سالمه يا أم حميد أقول قومي قعّدي العيال من الرقاد عسّب يكونوا معاي وأنا أذبح الخروف خليهم يتعلمون ويساعدوني..
أم حميد: انشالله تراني جهزت السكاكين والهوز حق الماي وبطرشلك الشغالة بخليها تيب الطاسة العودة عسّب تحطوا اللحم فيها
حميد وراشد قعدوا حميد يالس في الصالة يتقهوى وأمه عنده..
حميد : يمه كل عام وانتي بخير
أم حميد: وانته بخير وصحة وسلامة
حميد :بصراحة ما ادري ليش العيد هالأيام حاله حال الأيام العادية ما أحسه عيد مثل أيام زمان
أم حميد: وين ايام زمان كان العيد يوم حلو الواحد ما وده إنه يخلص بسرعة الفريج كلهم يتيّمعون عند الكبير ويعيّدون عليه من بعد الصلاة أما ألحين نتيّمع الضحى بعد شو ..بس محد يحس بفرحة العيد وطعمه إلا الصغار..
حميد: صدقج يا يمه..يوم انا صغير أحس العيد وييين شلقّ وصواريخ من عند خالوه عوشة نشتريه انا والربع..ونسير نعّيد انا والصغار في الفريج كله..
راشد في الدري نازل وبصوته العالي..
راشد: كل عام وانتوا بخير شحالكم ومن العايدين ..حميد أخويه عطيني الضو مالك ...
حميد: وانت بخير شبلاك تصارخ وتزاعج ..وشو تبا الضو..
راشد: عسّب اولع الشّلق والصواريخ ..سمعتك وانت تتكلم بغيت تصيّحني انت وذكرياتك..
أم حميد: هاهاهاه ..الله يغربل ابليسك يا راشد عاد انته مرة وحدة تصيح ..ولاّ بعد تستهبل عّلي ؟؟؟!!
حميد: الحمدلله يمه عرفتي إنه يستهبل ..مالومج تعودتي.
في بيت بو خليفة
خليفة طلع الحوش لأن أبوه ويا البّتاني يذبحون الخروف..
خليفة: السلام عليكم ..كل عام وانتوا بخير ..ومن العايدين
هاه قربتوا تخلصون ولاّ لا ترا الكل جاهزين بس نتّرياكم تخلصون..
بو خليفة :خلاص.. خلاص.. خلصّنا يلّله خليهم يركبون السيارات جزء في سيارة سلطان وجزء في سيارتك ..وانا بلحقكم بعد مااسيير اسلم على ربعي ..
خليفة: خلاص عيل هاتو اللحم..بناخذه ويانا
بو خليفة: هاه خلصنا ..وخبّر عمك إني ياي وراكم
خليفة: أوووه ماشالله الخروف كان متين وايد..
يلله مع السلامة

بيت بوحارب
بو حارب:أم حارب يلله بسرعة متى بنوصل الظهر
أم حارب: خلاص انا جهّزت كل شي شوف العيال
حارب:هاه شو تتكلمون عنا كل عام وانتوا بخير يا أحلى وأغلى اثنين في الدنيا
حصة: من العايدين..يلله جاهزين..متى الانطلاق على الشرقية ..
بو حارب: يلله تعالوا السيارة حارب حط الأغراض في السيارة
وراحووو..


الكل وصل الشرقية في بيت بو حميد وسلموا على بعض وعّيدوا على بعض والصغار خذوا عيدياتهم..وتغدوا الكل وبعد الغداء تجمعوا الكل في الميلس الكبير يلسوا دائرة كبيرة الحريم في صوب والرياييل في صوب بحيث انهم مقابلين بعض ويتكلمون ويتمازحون....
أما راشد فكان طول الوقت يطالع حمدة نظرات يا ساتر لما كانت يالسة تمزح ويا حميد ووياالشباب كلهم وهو ماعبّرته لأنه هو يوم يشوفها خلاص ماعاد يعرف شو يقول بس يتم يتأملها وهي ما تعرف انه يحبها .. وحميد يحس حمدة مثل أخته..يعني كل واحد يحب بس الثاني ما يدري عنه المهم..
وعشان يغير الموضوع راشد قام من مكانه وقال:
شو رايكم نسير البر اليوم؟!
حميد: راشد من متى الواحد يسير البر يوم العيد الله يهداك ؟!!
راشد استحى وايد وما عرف بشو يرد دايما اخوه يقّفطه..
خليفه:صِِدقه راشد بصراحة ملينا من اليلسة خلونا نسير
حمدة وحصة مع بعض قالوا: وإحنا وياااااكم بليييييز
خليفة:لا محد بنات بيسيرن معانا شو كلنا شباب؟؟!
حصة:دخيلكم طالبينكم لا تردونا..!!
راشد: إذا عّلي ما شي مشكلة بس شوفوا الكبار؛سلطان حارب شو مالكم كلمة في الموضوع.
حارب:أما انا خاطري في الدراجات.
سلطان:راشد قم بنسيير إحنا أول واللي يبا ييي يلحقنا ما عندنا مانع..
شيخة: هاه عيل عندكم دواس ..شحقه ما تخلونا نسيير دام ماشي مشكلة حرام عليكم كل شي على البنات عيب....!!!!!!!!؟؟؟؟؟؟؟؟؟
سلامة:ما عليكن هم بيسيرون ألحين بروحهم واحنا عمي بوحميد بيودينا بالهيلوكس ماله..؟؟لا تشيلن هم!!
(الكل ضحكوا عليهن)
بو خليفة: من متى الصغار يخططون وإحنا يالسيين نطالعهم؟؟؟؟
حميد: انزين ...هاه شو رايك في هالكلام عمي....
(أصلا بو خليفة يحب حميد على أساس أنه هو اللي بيتزوج بنته حمدة لأن من زمان كانوا يحددون كل بنت عم لولد عمها بس حميد كان يشوف انه هو كبير وايد عن حمدة وهي مثل أخته وانها تناسب اخوه راشد احسن، اما بوخليفة مايعرف فكان يهتم فيه ويتابع شغله ويمّشي أموره كان حتى يمكن يشوفه احسن من ولده خليفة وللأسف بعدها هالعادة موجودة إلى يومنا هذا)

بو خليفة: بصراحة ودنا نطلع كلنا العوايل ونسيير البر هذا أولا و ثانيا البنات أي مكان يبونه يسيرن ويا أي واحد من أهلهن منو يقولهن لا يا ويله ويل مني.(صح هذا العم وبو حميد يحبوا البنات وما يرفضون أي طلب لهن)
بو حميد: أصلا البنات بس يخبروني عن أي حد ما يلبي طلبهن وبيشوف...؟؟؟؟
خليفة: خلاص ما يسوى عّلي اني قلت لا وين بسيرن ؟؟أنا بوديكن
وياي....
حصة و حمدة بصوت واحد:لالالالالالالالالالالالالالالالا....
حمدة : دخيلك مانبا وياك ؟!!
حصة: انته أصلا تبا تخلينا نعوف الطلعات كلش..
سلامة: لا وناسه أنا اموت في الطلعه وياك أحس بطعمها..
شيخة: حتى أنا الرحلة وياك صج لها ذوق....
بوحارب: ليش يا حمدة وحصة مابتروحن مع خليفة شو يسوي فيكن؟؟؟
حمدة و حصة: نخبر ولاّ لا؟؟؟☻☻☻(خليفة يأشر لهن لا يقولن)
بو حميد:شو خبرن؟؟؟


اذا شي تفاااااعل باكمل...

[هيلان]

حلوه
يا كل الغلاء بس لو قسمتيها حلقات تطلع شي
اشكرك على القصه الجميله تقبلي كل التقدير

[نبض الحروف]

حلووووووة اختي كل الغلا

بس مثل ما قال اخوي هيلان لو قسمتيها اجزاء او حلقات وفواصل اعلانية

وبذلك تحلى القصة

مروري واعجابي

[كل الغلا]

هي كذا قدها مقسمه
ومشكورييين على مروركم
واطراءكم الحلو....

بس وين الباااااقين؟؟؟؟؟؟؟؟؟؟؟

[((سبأ))]

السلام عليكم ورحمة الله وبركاته

قصدك وين سبأ

والله القصه مررررررررررة حلوة

وصلت لين ام حميد تعايد على ابوحميد وتعبت

صراحه طووووووووووويله وحلوة حسيت اني عايش الوضع

تسلمي فلونه

قصدي كل الغلا
0
0
0
0
0
0
0
0
0
((سبأ))

[الشهاب]

(أونه عاد) كملي المسلسل..

ومن يدري يمكن يجي يوم نشاهدة يُمثل على الشاشة

كتابة وسيناريو وحوار ( كل الغلا ).

اضم صوتي للاخوان واقول لو تكون حلقاتة اقصر

بيكون اسهل للقراءة والاستيعاب.

بالتوفيق ومنتظر الحلقة القادمة.

[ذيبـــــهـ]

هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه ههههههههههه
هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههه

مشكووووره ع القصهـ خخخ كملي ابا اشوووف شو بيسوي حااارب ؟؟!! <<شكله احللى واحد فيهم هع

[سلطانه]

حلوه القصه كمليها بنشوف وش صار وتسلم الايادي حبيبتي

[الموت القادم]

قصه جميله وتسلم اناملك على الطرح الرائع

[كل الغلا]

تكمله القصه
حمدة:لا ماشي بس أونه نهّدد..
بو خليفة :دام ماشي مستوي أوكي خليفة انته تشيل البنات وياك..والشباب يتجمعون في سيارة مب لازم كل السيارات تروح..
والحريم وياي هاه يلله توكلنا...
الكل: توكلنا................وراحوا...........
كلهم طلعوا بعد صلاة العصر وفي الطريق كانوا الشباب
يتسابقون في السيارات من يوصل أول ولين ما يلقون مكان من الزحمة اللي تكون في أيام الأعياد في البر
وصلوا ولقوا لهم مكان...وتعاونوا الشباب وحطوّا الخيم لهم وحده والحريم وحده..ويلسوا الكبار جدام الخيمة يتقهوون ويطالعون عيالهم وهم يلعبون في الدراجات...
بوخليفة:شباب اللي يدور في هالمنطقة اللي إحنا فيها ثلاث مرات ويوصل قبل له مني 500درهم .. الشباب ما صدقوا هم أصلا يبوا احد يخليهم يتنافسون صج..انطلقوا الشباب والبنات كلهم يشجعوهم وكان أسرع ثلاثة منهم راشد وخليفة وحارب أما سلطان فهو خوّاف شوي يخاف حد يدعمه أما حميد فهو ما يحب السرعة...وطبعا اللي فاز هو الحريف اللي ماشالله عليه في كل شي خليفة...
سلامة: أصلا كنت قايلة لكم اذا في منافسة واخوي الماهر موجود فاحسن لكم تنسحبون بدون كلام....(بكل ثقة)
خليفة:شكرا يا أختي العزيزة ..انشالله اكون دايما عند حسن حظج..
شيخة:بصراحة في السواقة محد فنان مثل خليف.
حصة:يالله عاد ألحين دورنا انزلوا عن الدراجات بسرعة ...!!
حمدة:هيه صج دورنا ابوي خبرهم ينزلون..
بو خليفة:يلله وانا وبوحارب وياكن ..
وركبوا البنات والكل يتضحك عليهن أربع بنات بجلابيات وشيل صلاة ولا بعد نظارات خطير الموقف...!!!(تخيلوّا بس)
لما خلصوا البنات دورهن تعبن وراحن عند الحريم وكانوا الحريم يسولفون سوالفهم المعروفة لكن فجأة الحريم دخلن في سالفة الزواج فأم حميد كانت هي اللي تتكلم عن ولدها وانه كبر وبعده ماتزوج فسألتها أم حارب :شو يا ام حميد مو ناوية تزوجين ولدج وشو تنتظرين............ (في هاللحظة كانت حمدة ساكتة تنتظر أم حميد شو بتقول لأن على كلام الاهل انه هي لحميد بس حميد خبّر امه انها مثل اخته بس ام حميد ماتعرف ان حمدة تحبه) المهم.............
أم حميد: هيه بصراحة انا حاطة عيني على وحدة من بنات أختي عفراء شفتيها شو رايج فيها؟؟؟!!!!!!!!!!!

حمدة انصدمت.......... وانقهرت حست بأن حد عطاها كف قوي ودها تبكي تصرخ هذي اللي من وهي صغيرة تسمعهم يقولون انه لها بياخذ وحدة غيرها وهي بتكون لغيره يعني خلاص كل احلامها عنه تبخرت بصراحة تضايقت وايييد هي كانت تحّسب انه لما يضحك أويمزح معاها أو يطالعها انه يحبها مثل ماهي تحبه.........البنات كلهم انتبهوا لها وحسّوا انها تضايقت فقالن بيطلعن عند الشباب لما طلعن عن الخيمة حمدة ما قدرت تيّود عمرها عن البكاء قعدت تبكي والبنات كانوا يعرفون كم هي تحبه... تمّن يواسنها وتموا يطلعن عيوبه كلها عشان تنساه بس اللي يحب عمره مايكره ولا ينسى.المهم سكتت ألحين شوي..وشيخة تقول:هذا كلام أمه ماعليج منها يمكن هو ما يبا بنت خالته ..هاه كله كلام حريم بس..

ظلمت الدنيا قاموا الشباب وشبوا النار عسّب البرد اللي فيهم وتنور لهم...
الشباب والبنات تجمعوا حول النار وقاعدين يقولون ألغازو يغنون حمده معاهم يالسة بس عقلها وروحها مب عندهم وهي سرحانه قاعدة تقول:
أغار انا من كل عيـــنٍ تشـــــوفك
إلا عيوني كيفـــــها لـــو تشوفك
مــا ودي تلمــح عينك عيون غيري
ولا ودي ينعم غيرعيني بوصوفك
الشاعر:سيف الظاهري

صدقها شيخة يمكن هذا كلام أمه بس وهو ما يدري عن شيء..
راشد يطالع حمدة وعرف من ويهها أنها متضايقةوكان يقول: آخ فديتها والله ..بس لو أعرف شاللي مضيّقها..
حارب وسلطان راحوا و صرخوا في أذنها وخوفوها..
عصبّت منهم..وضحكوا كلهم..

أول يوم في الرحلة خلّص بعد يوم طوووويل لعبوا فيه واستانسوا ....................................


اليوم الثاني

قاموا الحريم وسوا الريوق حق الكل وتريقوا ولعبوا الشباب بعد في الدراجات هم والبنات لين وقت الضحى..بعدين ملّوا الكبار وقاموا بو حميد نادى الشباب علشان يرتبوا الأغراض في السيارات عشان يردوا حق بيوتهم...
وكلن منهم رد بيته..بعد رحلة حلوة..وعجيبة..

الجزء الثاني

بيت بو حميد
بو حميد:هاه شورايكم بالرحلة اللي سويناها عسى عجبتكم..؟؟؟
أم حميد:هيه كانت حلووة،،،
العايلة الكريمة كلهم يالسين،فأم حميد تذكرت كلام أم حارب...
أم حميد:بو حميد أن بصراحة ودي أفتح موضوع مادام ان الكل يالس؟؟؟
بو حميد :شو هالموضوع اللي ودج تفتحينه...
أم حميد: ولدك حميد كبر وهو لين الحين ما تزوج واحنا كبرنا و ودي انشوفه متزوج وعنده عيال قبل لا نموت يا بو حميد ولا انت شرايك؟؟؟
حميد: بعد عمرٍ طويل...
بو حميد: انزين هذي الساعة المباركة..بس هو يعزّم وانا حاضر..
حميد: يبه انا ما عندي مانع..
بو حميد:ومنو سعيدة الحظ اللي يباها...(في باله بنت اخوه حمدة)
ام حميد: مريم بنت اختي عفراء شو رايك..
بو حميد: هاه شو تقولين!! ليش وحمدة...؟؟؟
حميد: حمدة على عيني وراسي يبه بس انا كبير وايد عنها وهي تناسب راشد اخوي اكثر مني..
ام حميد: انا سالته وقال انها مثل اخته وبعدين مريم بنت اختي مناسبة له وايد ولاّ ما يازة لك..؟؟
بو حميد: بنت اختج على عيني وراسي بس احنا من زمان نقول انه حميد لحمدة..بس خلاص ما عليه كل هالأمور قسمة ونصيب...
راشد منتظر شو تكون اخرة هالكلام وهو يدعي بانه اخوه ما يوافق على حمدة!!!
خلاص الكل قرّر في بيت بو حميد انهم يسيرون يخطبون لحميد مريم..بس لازم يخبرون أعمامهم على اساس يكونون موجودين الاسرة كلها..

في بيت بوخليفة
التلفون قاعد يرن راحت أم خليفة ترد:
ألو مرحبا
بو حميد:السلام عليكم
ام خليفة:وعليكم السلام شحالك يا بو حميد
بو حميد:بخير وسهالة شحالج يام خليفة
ام خليفة:بخير ونعمة ربي يعافيك
بو حميد:بوخليفة موجود ولاّ لا ؟؟
ام خليفة:هيه موجود صبّر شوي بزقره..
راحت وزقرت بو خليفة ..
بو خليفة:مرحبا والله شحالك أخوي
بو حميد:بخير وسهالة شحالك انت؟؟
بوخليفة:بخير الحمدلله هاه آمر شو بغيتني؟؟
بو حميد:ما يامر عليك ظالم ،اخوي بغيناكم تيوون كلكم عندنا عسّب نسير ونخطب حق حميد ولدي بنت بو علي؟؟
بو خليفة:شووو بنت بو علي ولمنو..ما سمعت؟؟(حتى بو خليفة انصدم)
بو حميد:والله ام حميد حاطة عينها على بنت بو علي لحميد ولدها..قلنا خلاص بنخطبها له..شو رايك؟؟
بو خليفة: والله شو اقولك شوركم هو هداية الله..(شو بعد يقول ليش ما تبون بنتي مب حلوة في حقه)
بو حميد عزم الأسرة كلها عندهم
حمدة البنات ما خبروها ليش بيروحون وهي ما سالت ليش لأنهم متعودين يزورون بعض ف مب غريبة انهم يسيرون عند قوم عمها..
الكل متجمعين في الميلس بس الكبار والحريم وحميد راحوا بقى الشباب و البنات.. فقام حارب وشغل المسجل العود وسوا أغنية وقام يرقص البنات يضحكون وحمدةما تحب الحشرة وايد فقامت وقصرت على الصوت عصّب حارب وقال:شو فيج خلينا اليوم نفرح غريبة انتي اللي اذا في عرس او ملجه او خطبة تكونين اول وحدة ترقصين واليوم شوفيج؟؟؟؟
حمدة مااستوعبت الكلام قالت: شو قلت عيد.. عاد حارب الكلام
حمدة:وليش اليوم في شي..
سلطان:صباح الخير اليوم الاهل ساروا عشان يخطبون حق حميد مريم ..
حمدة الدنيا دارت فيها بس مسكت عمرها عسب ما تخلي احد ينتبه عليها ..وطوّلت على صوت المسجل..وصدفه يت اغنية والله مايسوى أعيش الدنيا دونك لحسين الجسمي .. وخلاص عاد الحين صج تضايقت والكل حس...لانهم كانوا يسمعون الكبار شو كانوا يقولون...
بس راشد ميت فرح لأن اخوه وخرّ عن طريقه يعني الحين يقدر يتزوجها.........!!!!!
المهم البنات يعرفون مزاج حمدة واظن الكل مب بس حمدة تحب تروح البحر لما تتضايق..
حصة:شباب شرايكم مادام انه محد في البيت نروح البحر كلنا يمعة ويا بعض .........بس نيلس عند الشاطىء الشباب كلهم وافقوا...
وراحوا....حمدة فرحت..

وصلوا البحر وفرشوا لهم الحصير وياكلون ايس كريم وبعد ما خلصوا ..سلطان اقترح انهم يقولون شعر وكل واحد يقول اللي عنده..
شيخة(لأنها ماتحفظ): والله انكم متفيّقين تقولون شعر..
سلامة:سيروا لا انا بسير اسبح حلو الوقت الدنيا ليل ومحد بيشوفني..
حارب وسلطان كل منهم يحب بنت عمه حارب يحب سلامة وسلطان يحب شيخة.....بس البنات مب معطياتهم ويه..ومحد يدري عن الثاني..
سلطان:اقول سلامة ماشي سباحة ولاّ بنردج البيت..
سلامة: لالاخلاص بيلس اسمع وامري لله مع اني عارفه انكم
ماتعرفون بس يلله.
شيخة:شو ورانا خلينا نسمع شعراء المليون السنة الياية..
كلهم ضحكوا..
راشد بنراويكن شعرنا اتحداكن اذا ما طرشتّنه مسجات بعد ما نخلص..
اللي بدا سلطان لأنه راعي الفكرة مع نظرات صوب شيخة من دون محد يحس..
سلطان:
لي صاحب لا شفت زوله تبــسمت
يرتاح بالي كل ما شفت زوله
كم هام فيني كم..وكم فيه انا همت
أموت في حسنه..وقده..وطوله
لامن نظرلي في عيونه تلعثــمت
يضيع شيءٍ في خفوقي بقولــه
عن حب غيره يا عرب سبته شمت
يامر وانفذ ما يبـــيه بســـهولـــه
لو العواذل بيننا تكثـــر الشــــمت
عهدي أنا وياه محـــــد ٍينولــــــه
مــا الوم نفسي يوم جيته وسلمت
قلب ٍملكه بطرف عين ٍ خجولـــه
أجمل كلام الحب منه تعلـــــمت
أخذت انا وياه صولة وجـــولـــــه
ما اذكرولا مرةغشى جوي الصمت
بالعكس عشت الحب باحلى فصوله
أنا مع تاج الحســــــن كم تنادمــت
أعشقه وأعشق فيه حتى فضــولــــه
يعني احبه....لا يعني تســــلمت
قلب ٍعجز بالحب غيري يطولــــــــــه
رام الهوى قلبي وانا بالهوى رمت
وأعلن خفوقي بالمحبة..مثــــولــــــه
وأفصحت عمّا فالخفوق وتكلمت
عن حالي اللي فيه بيّــــــن نحولــــــــه

وقفت لحظه..ثم بكيت وتبسمت
للعشرة اللي من زمــان...الطفولـــــه
الشاعر: ماجد الرشدان..
سلامة: لا مستحييييل سلطان شوهالكلام ما صدق..
راشد: صح لسانك.. دور منو..
حارب:

[كل الغلا]

أنا لا قلت لي شلونك وانا ضايق اقول بخير
مدامك سائل ٍعني.. اكيد ان ضيقـتي راحـــــت
انا من كثر ما احبك اشوفك في عيوني غير
تضيق النفس من غيرك ولامن شفتك ارتاحت
الشاعر: ثامر شبيب
شيخة: لا السالفة كبرت الشباب شعّار واحنا ما ندري..(كومبليت)
يعني اكملوا خلونا نستكشف...

حمدة:
ودي افضفــض..ودي اقول واحــكي
وارفع مقام وقدر الإحساس..(لوطاح)
رغم انف عزّي يمكن شوي و ابكي
ويمكن لو ابكي.. ابكي شوي ..وارتـــــاح
يبست شفايف ضحكتي قبل ضحكي
واضحك وعيني تفطم الدمــــــع بصيـــاح
ماشكي لغير اللي خلقني (لو اشكي)
وان ضاق صدري اذكر اللـــــه وانســاح
احكي بصدقي واحلف بدون شركي
واكســــر بــعّز الظلمة الفين مصـــــباح
واحيان الى مني تذكرتك..ابكـــــي
من ايش؟ مدري؟ بس يوم ابكي ارتاح..
الشاعر: عبدالله الراشد
حصة: حمدووووووه لا ما صدّق تعرفين الشعر أصلا ًعشان تقولين هالكلام....
سلطان: خطييييرة...!!!حلوووة وايد
راشد:
الله يسعد مسا غمازة خدودك
اليا طرت لي يهز الشوق وجدانــي
والله يسعد مسا حجانك وسودك
يا كثر ما اقرا سوالفها وتــقرانـــي
ان كان شعري يعرضني لمنقودك
قلي وانا والله لا اقطــــع لـــســـاني
ليتك بعيد ونقول وصالي يكودك
الموت لاصرت في وجهي وتنسانـي
الشاعر: نايف بندر

سلطان:يالتعبان حتى انت تعرف تشعر ،لكن انا عاد مابخليك إلا أعرف منو هاي أم غمازة... (حمدة عندها غمازة وحدة بس محد يركز عليها)
راشد:.......................ما عرف شو يقول سكت...

حارب:اسمعوا هالأبيات اموت فيها

قالت وش اسمك..قلت ما في خيارات
ضيعت اسمي..لا..ويمكن كياني
قالت علامك قلت .. كلي علامـــات
قالت وعمرك..قلت اكبر إخواني
قالت تجنن:قلت يلعن أبو القــــات
لو إني مخزن كنت في جو ثاني
الشاعر: فيصل المريسي
الكل: أوووووووووووووه
حصة: بصراحة تجنن... انا في بيت من زمان عاجبني وابا اقوله

يمينك قد نوت بالشر ولكن خنجرك عيّـا
غريبة كيف يرحمني جماد وانت ما ترحم!!!!!!
للشاعر..مشعان الرخيمي
البنات: روووووعة..
حمدة:
صبرت لين الصبر ملّ وتعداك
ويا للاسف قلبك عجز يحتويني
ياما ..وياما كم خفوقي ترجاك
شلتك على راسي وقدرك بعيني
ويا ما حلمت فـ وصل قربك ولاماك
لكن غرورك ما قدر يحتويني
نسيتني واليوم جا دوري انساك
جرّب تفرّق بين زيني.. وشيني
انت الذي خليت قلبي يتحداك
وبنشوف اجــيك انا او انك تجيني
لكن تأكد لو تبيني فلا ابغاك
كرامتي ترفضك لو انك تبيـــــني
الشاعر: فواز الناصر
حارب: عاشت حمدة وعاشت الكرامة اللي عندج ..
حصة: شقصدك بهالكلام تتطنز علينا..حدك ترى البنات مب نفس المستوى احنا عزيزات يا رياّل..؟
شيخة: الاخ كان يتكلم عن الكرامة .. وكرامة منو بعد كرامتنا ليش يتحرانا من هالبنات اللي بايعات عمرهن عشان شي ما يسوى؟؟ لا غناتي احنا العز والكرامة فوق كل شي يا محترم؟؟
حارب: اوكي انا اسف واسحب كلامي من دون تعليق!!!!!!!!!!
سلطان: منو بيّغير السالفة يا شباب؟؟؟
راشد رد بقصيدة وهو يطالع حمدة وهي سرحانه:
كل ما قلت: احضنيني ترى ماني صري
قالت: اغسل يدك قلت:السبب قالت:كذا
واا بري حالي بري وا فري جيبي فري
مهرةٍ من دونها كم مهر شيخ جــذا
لشعرها بايعي يا يدّي واستغفري
وشمّ يا انفي منه قبل تقفي به شذا
يوم فلت شعرها الغجري قدم نظري
رحت أغني: حبذا الموت معها حبذا
مهرة في ثغرها من تمر بيشة سري
في العذارى اسلوبها اعظم مثال يحتذى
الصدر خيمة سما والنهد قاسي طري
عندها في خصرها نقص كامل في الغذا
بين خصر اشتراكي وردف ٍعنصري
ساقها من عربدة ردفها يشكي أذى
في دلعها يذوب تسعين مرة مادري
واحد ٍفي عز نومه بضحكتها هذا
الشاعر: ناصر الفراعنه
الشباب: اوووووه شو هالكلام يا راشد خطيييير.
سلطان: انا عاد مابخليك هالمرة منو هذي من ساعة تقول غمازة والحين هالوصف ..؟؟؟؟ منو هالبنت..
راشد: شباب تأخرنا يلله بنرد ..
حمدة: لا راشد بليز خلّونا..
راشد يقول في خاطره ياليت اني انا وانتي بروحنا جان خليتج لين ما تشبعين..
حصة:راشد ..شفيك تكلمك البنية..صدقها خلينا بعد شوي ..؟
سلطان: لاخلاص الحين اكيد ردوا الأهل..يلله خلاص..
ركبوا السيارة وردوا البيت لقوا الكل في البيت يتريّونهم..
الشباب: الســـلام عليكم..
الكل اللي في البيت: وعليكم السـلام ورحمة الله وبركاته..
بو حميد:ماشالله عليكم وين سرتوا ...؟؟
حارب: عمي سرنا البحر الله طافتك اليلسة..(بوحميد يحب الشعر)
بو خليفة: ليش شو اللي سويتوه..هناك؟؟
سلطان: يلسنا نقول شعر وكل واحد يرد على الثاني.. وناسه كانت اليلسة..
شيخة: طافتكن يا العيايز حتى حصوووه وحمدوووه شعرن...!!!
أم خليفة: عسى شعرهن زين.. ولا شرات اللي يغنّنه هالمغنيّات محد يفهمه..
سلامة:امي الله يهديج شعرنا غير عن اللي يتغنى مال المغنيات اللي تقصديهن..
بو حارب :أوكي احنا نتّرخص منكم بنسير البيت وان شالله في الملجه بنييكم.
حارب: لحظه أبوي بس لين ما نبارك حق حميد..
وراح الكل يبارك لحميد ماعدى حمدة كانت في المطبخ..
سلّم حميد على الكل وراح المطبخ صدفه..كانت حمدة تشرب ماي حميد كان وراها بحيث انها ما تشوفه .. وصرّخ في اذنها لا وبعد هزّها هزة قوية..
هي خافت وصرخت وحلفت إلا أنها تردها وطالعته بنظرة عتب.. حميد ما صدق تم يضحك عليها وايد.

الاهل كل منهم راح بيته..

حمدة في بيتهم بعد ردت تتذكر شو سوى لها حميد، يزيد حبها له مب قادرة تكرهه ولا تنساه..
حمدة:اخ ياحميد ما اعرف شو سويت لي عشان احبك هالحب كله بس هين اعرف كيف اخليك تحبني ...
حتى سلامة تتذكر شويقصد حارب بنظراته يوم كنا في البحر ليكون أونه يحبني لا ما اصدق حارب يعرف يحب عمره ما تكلم جد عشان يناظرني جذيه مع الأيام نعرف..
سلامة تعبت من التفكير: حمدةبس خلاص بندي الليت خليني أنام..
سلطان: يالله الحين شيخة فهمت اني أحبها ولاّ لا... بس لازم بعد اسوي شيء عشان تفهم اني احبها..


حميد في بيتهم في الصالة: وحليلها حمدة أوف كم أغليج بس كاتم في قلبي وزادت نظرتج اليوم لي من الغلا واييد ..
راشد ياي ويلس عند أخوه: هاه الحبيب في منو قاعد يفكر أكيد في خطيبتك..؟؟؟؟
حميد:هاه شو .. أي خطيبه؟؟!! (سرحان)
راشد ضحك ضحكة بصوت عالي...وقال: هذا وانت اليوم خاطب باجر شو بتسوي؟؟
حميد: ياعمي سير منّاك ..أنا ما افّكر فيها افكر في الشغل مالي..
راشد: شغل.......... علينا هالحركات...أقول متى الملجة..والعرس..
حميد: الملجة والعرس في يوم واحد....
راشد: شو ومن متى صارت.
حميد: من اليوم وعندي صارت...
راشد: انزين كليتنا متى العرس بيكون...
حميد: الشهر الياي ان شالله..
راشد: مستعيل انته ..منو لاحقك..
حميد(عصّب عاد): كيفي والله ولاّ تعال انته وحدد بعد..
راشد: لا خلاص هّدي اللعب يا ولد..

راشد ما صدّق قام ودق على عيال عمه وخبرهم واحد واحد ماشالله سي ان ان.. عالطاير..

والشباب مثل راشد ما قصروا البيت كله عرف ...ولا وبعد خبروا حارب وهو مثلهم خبر خواته..
حمدة لأختها سلامة: معقولة هالبنت بتقدر تجهز عمرها في شهر...
سلامة: هذا حميد أكيد بتجّهز عمرها بسرعة ولاّ جان أخذ وحده غيرها ..
حمدة: وشو يعني حميد ليكون برنس واحنا ما ندري ؟؟ هذا حده بيطري.!!!!!
سلامة: الله واكبر مب هذا اللي بغيتي تموتين بكي عليه؟؟
حمدة: هذا قبل بس ألحين عرفت انه حتى ما يستاهل حد يحبه وبعدين حبيبتي عندي الحين قاعدة بمشي عليها..
سلامة: ليش ما تركضين عليها بتوصلين أسرع..هاهاهاهاه.. وشو هالقاعدة يا نيوتن زمانج..؟؟؟
حمدة: تنطنزين ويا ويهج.. حبيبتي بقولها لج وانتي طبقيها بعد..
سلامة: انزين شو هالقاعدة تراج حشرتينا..
حمدة: اللي ما يبينا ما نبيه..
سلامة: الحين هالحشرة كلها وعندي قاعدة وعندي وعندي..واخر شيء يطلع هالمثل صج ما تنعطين ويه..
حمدة: أشوفج زودتيها منو الاكبر انا ولا انتي؟؟؟
سلامة: عدال لا ينبط لج عرج..من عروجج..

سلامة دقت على شيخة وحصة وخبرتهم بكل شي صاروتموا البنات يضحكون على حمدة وهي وحليلها ما تدري...
الجزء الثالث


اليوم الثاني قوم بو حميد وبو حارب عند بو خليفة لأن كل جمعه عند حد من الإخوان...

ام خليفة كانت المستقبلة للعايلة.. وحمدة وراها وسلموا على الكبار والصغار.. ام خليفة والأهل دخلوا بقت حمدة برع بتصّك الباب العود ولاّ حميد يدخل..
حميد: شو بغيتي تصّكين الباب في ويهي ؟؟
حمدة: لا حشى مب انا اللي أسويها.. ونزلت راسها..(اونها محترمة)
حميد: حمدة بسالج سؤال وجاوبيني بصراحة..
حمدة: اسأل حد ماسكك؟؟
حميد: ليش انتي الوحيدة من البنات اللي ما باركتي لي على الخطوبة؟؟؟ (حسّ انها تحبه مع النظرات اللي كانت تطالعه فيها)
حمدة كانت تظن انه مب مرّكز ..
حمدة: انا يوم كنت في المطبخ كنت ناوية عقب ما اطلع ابارك لك بس انت زيّغتني ونسيت... والحين هاه الف الف الف مبروك..
حميد: هيه صح تذكرت..الله يبارك فيج الفال لج ان شالله..
ودخلوا البيت كلهم..
تغدوا الاهل كلهم والكبار ناموا عقب الغدا أما الشباب والبنات تموا يسولفون ويتمازحون.. وحرب النظرات بدا .. سلطان اقترح على الكل يظهرون للحديقة اللي في البيت والبنات عجبهم الأقتراح وظهروا الكل حميد سار المطبخ يبا ياكل هالولد كل شي إلا بطنه لازم يريحه..حمدة تمت تتبعه ودها تقضي الزيغة اللي زيّغها في بيتهم بس حمدة مزحها قوي..
حمده ماسكة غرشة ماي ويت من وراه وجبتها كلها عليه..
وعشان مايرشها تبا تشرد منه لأنه لحقها زلقت في الماي على راسها..
وطاحت طيحة قوية راسها ضرب في الارض بقوة..
حميد يقولها سلامات لأن الطيحة قوية بس حمدة ماترد عليه حميد خاف ليكون فيها شي ما كان يقصد شي كان يمزح المهم نزل على ركبه وشال راس حمدة وحطه على ريوله ياب كلاس ماي وجّبه على ويهها لكن بعدها فاقده الوعي وتم يتامل ويهها وقال:
صدق ويهها بريء وحلوة وطيوبة والله اني اموت فيج ..
حمدة (صدق راسها والطيحة عورتها بس ما اغمى عليها كانت طول هالفترة تمثّل تبا تشوف شو بيسوي وانصدمت من الكلام اللي سمعته)
حمدة فتحت عيونها..
حميد: اخيرا وعييتي ما صدقت على بالي انج متي علّي..
حمدة ما هي مصدّقه : تبا الصدق بغيت اموت والطيحة تعوّر..
وقوّمها وراح الحديقة مع الشباب اما حمدة صعدت حجرتها.. تذكر شو قال .. الحين خلصت مهمتها هي قالت تباه يحبها والحين حبها
حمدة تقول في خاطرها:
أحسنت يا سيّد الجرح المستحيل...والشتات!
علمتني درسا جديدا يساعدني على فهم الحياة بتناقضاتها المرعبة وحساباتها المعقدة.
شكرا من القلب ..من مطلع نبضه حتى غروب أحلامه على هذه الدروس المجانية في الحب..
شكرا..لغرورك الذي اكتشفت به غباء اندفاعي ،شكرا لكل مشهد من مشاهد كرمك الحاتمي في القسوة وشكرا كبيرة على حزنك بعد فقدك لي ..هذا الحزن الذي أشعرني بأهميتي أمام مرآة نفسي.
ذهبت سكرة الغضب ..وجاءت فكرة السماح وسامحتك..لأني أحبك..ولكن هذا لا يعني بالضرورة الرجوع إليك! الكاتب: نايف الرشيدي

[ابو وافي الصباحي]

بديت في قرايت القصه وعند الانتها سوف احط تعليقي
تحياتي لك

[الشهاب]

استمري اختي الكريمة

قصة ممتعة اتمنى لك التميز.

ومنتظرين جديدك..

[بخيته]

الله الله عليش يا كل الغلا دوم مبدعه ما القصه تجنن اقروها ما كل الغلا قد حكتها لي من زمان كل يوم قبل النوم هع هع .. وعاااد عندها شي قصص احلى مخبيتهم عندها في الورد ها اندريها لهم والله انها حلوه وكل شي منش حلو وابداع في ابداع .... اختش حموره ..

[ابوخالد2007]

قصة زينه مغير كثرتي من الاسماء وتلخبطت فيها
استمري واكتبي

[نجم الطيال]

قصه وايد حلوه وتسلمي أختي كل الغلا

[نيشان]

بإنتظار القصه بكل شووووق والله حلوه واتشوقت اعرف وش صار لحمده وحميد وراشد ؟؟؟؟؟؟


قصه روعه وأسلوب جميل جدا .... تسلمي أختي كل الغلا ...


متابعين للنهايه

[كل الغلا]

تسلمون على كلامكم الحلو
واللي تعطووووووووه دافع للمواصله

[كل الغلا]

دخلت حصة..
حصة: حمدوووة شو فيج هالأيام مب ويانا ابد منو ماخذ عقلج..!!
حمدة: ليش شو المتغير فيني..؟؟
حصة: حتى يقولون صارت عندج قواعد تمشين عليها..
حمدة: هاه ..شو قلتي؟؟
حصة: من قال هاه سمع..
حمدة: محد غيرها سلاموووه..بتشوف ..هذا أولا ً، ثانيا وخّري عني مب متفيّقه لج .. راسي يعوّرني ..
حصة:ً الله وأكبر الحين راسج يعورج مني.. تحيدين قبل لما كنتي تدقين عليّ يوم تكونين متضايجه ..ما عليه مردودة..
حمدة: لحظة خليّني اسوي نغمة حزينة عشان يكون الموقف مأثر وايد.. اللي يسمعج يقول اني كل يوم اضيج وادق عليج إلا هي مرتين في عمري لين الحين..
حصة: اوكي ما علي منج ..بتنزلين ولاّ لا..
حمدة: شو تسوّون؟؟
حصة: شي يحبه قلبج..
حمدة:حصوووة شو؟؟؟
حصة: احنا والشباب نقول شعر..
حمدة: اوكي ياية بس ببدل ملابسي..

الشباب كلهم يالسين يقصدون وصلن البنات..
حصة: الشيخة حصة بنت ابوها يت درب لو سمحتوا..
راشد: هلا وغلا بالشيخةهلا والله انورت واسفرت مرحبا الساع..(كل هالكلام المقصود فيه اللي وياها..)
حمدة: مرحبا مليون..بل بل بل كل هالترحيب فيها انزين عبرّنا شوي..
حصة: يالله من الغيرة حتى في الترحيب...
خليفة: بس عاد انتن خربتن علينا ايلسن ساكتات..
حمدة: انشالله اخوي..بس ترانا بنشارك..
حميد: ماشالله ليش تعرفن تقصدن؟؟؟
شيخة: ليش تحّسب بس الرياييل لهم في الشعر؟؟
سلامة: ليش حنا ناقصات ايد ولاّ ريل..عشان مانعرف..
حمدة: احنا نبيعكم ونشتريكم في الشعر وتتحدانا..
سلطان: خليفة ،حميد البنات استلموكم..تراهن شاعرات ..
خليفة: اوكي بنشوف..
خليفة :
رغم الصدود وقسوة الجرح سويت
لك مملكة شعر فخفوقي واماكن
وكل ما بغيت ارسل من الغلا بيـــت
عيّا العقل ودمــوع شعري تباكـــــــن
لو شفتني عن دربك الحين صديت
يبقى غــلاك بــديرة الروح ساكــــن
الشاعر: نايف الرشيدي
حمدة:
امسك جنونك قبل ما تثوّرجــنونــي
لا الدرب دربك ولا باسك مثل باسي
وخلّي التحدي وكبر الجرح لطعوني
الوقت قاســي وانا مثله بعد قاســـي
واللي رفع قدري ونزلــك بعــــيوني
إنــي أجيـــبك إذا حطيتـــك براســــي
الشاعر: حمود جلوي

سلامة:
إن قدّر الله مع الأيـــام نتـــواجـــه
تمر مــــــــثـــلك مـــــــثل ناس ٍيـمروّني
فعيوني تصير ما تسوى ولا حاجه
من عقب ما كنت تسوى النــاس بعيوني
الشاعر: ثامر شبيب

حميد:
جيت أنا والغلا لمصافحك ما لقيتك
ورحت انا والعتب خيل ٍتفضّ الجموع
والله اني بعد ما جيت منك بكيتـك
عبرةٍ حرهـــا بين الهدب والدمــوع
الشاعر: بندر الشدادي

حمدة:
عهد خذيته معك بقطع أوراقه
وأنهيه أنا يا حبــيبي من سجلاتي
لا صار قلب ٍيحبك زدت باحراقه
الله يجازيك خابت فـــــــيك هقواتي
ياما تمنيت قربك حيل بشفاقــهٍ
ولكن خذاك الغرور وزدت لوعاتي
واليوم صبري نفذ ما عاد بي طاقه
رح في طريقك ولا انت اكبر طموحاتي
الشاعر: خالد المحسن..

حميد ركّز على كلام حمدة وحس انه هو المعني بالكلام وزاد حبه لحمدة..أكثر وأكثر..

راشد وهو يناظر حمدة:
دايم وانا الخسران للي طول عمره ما خسر
وشلون يخسر..دام انا ما ودّي ابخسارته
عمري فدا..لعيونه الثنتين ..كان انه امر
تستاهل النفس الشقا دام انها.. مختارته
بزيارته..بلسم جروح الروح عن هم وكدر
ياليت يرحمني.. ولا يبخل علي بزيارته
عنده خبر في قيمته عندي..وانا عندي خبر
انه رحيق الورد..لا والله..عسل واعصارته
اكيد عندي ذوق راقي.. مثل ما عندي نظر
واكيد انا محظوظ..في زينه..وفي نظارته
اغليه..واغلي حارته..وبيوتها..بطن وظهر
ساكن هنا..والقلب كنه ساكن ٍفي حارته
ما هو قمر..والشمس يستر نورها نور القمر
هو الذي.. نوره ستر نور القمر..واستارته
يمكن يجي مثله مع العالم..ولكن ما ندر
نادر حلاه..وميزته (سيد المها) ندارته
مهما من اخطائه..وزلاته..وتقصيره بدر
عندي خطاه..وزلته وياي من شطارته
سلواي بغيابه..معي ذكراه والبوم الصور
والكلمة..اللي كل ما قلته تجيه..اطفارته
انا ادري أن العشق في هالوقت والحب اندثر
والعاطفة اقوى من الانسان..لامن جارته
ولا نوم اخير من الصلاة النوم اخير من السهر
والبحر غدره يغرق السّباح مع مهارته
لكن ما دام اني وصلت اليوم لحدود الخطر
اهون علي اتجارتي تخسر من اجل اتجارته
واخاف من نفسي على شانه تموت من القهر
حطيّت نفسي بالطريق اللي تبيه.. وسارته..
الشاعر: نمش الشمري

الشباب والبنات صفقّوا لراشد تصفيق حار وقوي على هالقصيدة والبنات يصفقن ويطالعن صوب حمدة وهي مستانسه وتأشر لهن ان القصيدة فيها أصلا هن فاهمات وعارفات انه يحبها من نظراته قويه..

أذن العصر وقاموا الكل خلاص بيسيروا يصلون في المسجد.. البنات بعدهن يالسات يتكلمن في القصيد كله حمدة سكّتت البنات وقامت قالت:
بنات أنا واعوذ بالله من كلمة انا ..بعترف بشي كبييييير
البنات: شو هالاعتراف الكبيييير
حمدة: بصراحة انا اعجبت براشد اعجاب كبييييير
حصة: خل عنج كل هالقصيدة وتقولين اعجاب ويا ويهج..
سلامة: شفيكن انتن قاطعتنها كانت بتكمل تبا تقول شي صح اختي..
حمدة: جبّي انا خلصت بس انت ما ادري وين عقلج ومنو ماخذه؟؟!!
شيخة: حمدووة احنا الحين فيج من صجج بس معجبه..؟؟؟؟
حمدة: انزين انتن اصبرن يمكن بعد يطلع شي عنده لازم ما نكون خفيفات بسرعة نصدق..صح ولاّ لا؟؟؟؟
حصة: صج والله انج ذكية يمكن يكون بس يبا يلعب عليج..
شيخة: اقول انتي خليج ساكتة واللي يخليج ..شو ولد عمها بيلعب عليها..من وين انتي ياية ..
سلامة: اقول قومن مابتنفعكن حمدة ولا راشد يوم القيامة قومن صلن يلله..
البنات صج والله..




بعد الصلاة كل مجموعة راحت مكان..
الكبار راحوا يزورون حد مريض
الحريم بعد معزومات في عزيمة راحن كلهن
الشباب قالوا بيسيروا السينما..
حصة: حارب اخوي خلونا نسيروياكم بليز ما عمري دخلتها..
حميد: شوشوشو قلتي وين تبي تسيرين؟؟
سلامة: قالت.. هي قالت مب انا تبا تسير السينما..
حمدة: حتى انا ابا اسير السينما..؟؟؟
حميد: الحين يعني ويانا لا تحلمن يوم بتعرسن خلوهم يسّيروكم السينما..
شيخة: بذمتك ..يعني مرتك بتسّيرها السينما.؟؟ يعني الافلام اللي تشوفوها بس المعرّسات يشوفنها.؟؟؟
حميد: أولا مرتي مابسّيرها بيلس انا وياها نشوف الفيلم في البيت أحلى..ثانيا انا ما قصدت ان الافلام خاصة لحد معين بس انتي تفكيرج دوم تعبان..
شيخة..تقفطت..وويهها حمّّممممر..طماطة..
خلاص محد قدرت تسأل خافن انهن يمكن يتقفطن مثل شيخوووة.


حمدة: ولا تشيلن في خاطركن تعالن بنسوي لنا الدي في دي
في الميلس لانه تلفزيونه كبير وبخلّي الشغالة تسوي لنا ببكورن..
واللي نبا نسويه بسويه ومحد يقدر يتكلم..
حصة: يلله عيل ابا اشوف اكشن..
حمدة: شيخوووه اقول يبتي الفيلم اللي عندج عسّب نشوفه..
سلامة: لا قالت نسته مايابته مع اني اكدت لها..
شيخة: خلاص ما تفرق سوّوا فيلم ما تفرق المهم نطالع شي اليوم..

تمن يطالعن الفيلم لين ما خلص وسووا بداله وخلص وجذيه ...لين الليل الساعة وحدة..
الاهل ردووا وكل منهم راح بيته..


و في الاسبوع الثاني تجمعت العايلة عند بو حارب..

وصلوا قوم بو حميد بو حميد ومرته وحميد لكن راشد ما كان موجود أول وحدة ركزّت على انه مب موجود هي حصة..قالت:
عمي وين راشد مب وياكم؟؟
بو حميد: يقول انه عنده شغله ضرورية وبيّي بعد مايخلصها..
حصة تسأل لانها تبا تشوف شو تكملت سالفته ويا نظراته وين يبا يوصل..
ام حارب: يا مرحبا والله حياكم تفضلوا..
حصة: شيخوووة حسافة راشد مب موجود..الحين بعدين بيي
شيخة: لا لاتقولين...

قوم بو خليفة وصلوا
راحوا البنات يسلمون على قوم عمهم يرحبون فيهم..
حصة يودت حمدة من ايديها وقالت:
حمدة عندي لج خبر مب شي؟؟
حمدة: خير بسم الله تونا ما دشّينا حتى..؟؟؟؟؟؟
حصة: راشد محد ما يا وياهم..
حمدة: حلفي بربج..اكيد اليوم مب حلو...
ام حارب: شو فيكن يلله دشّن داخل بعدين سولفن..
وسلموا الاهل على بعضهم..
حميد يناظر حمدة نظرات مب طبيعية حتى البنات لاحظن مستغربات وهي استحت وايد..
المهم أم حارب زقرت الاهل على الغدى في حجرة الطعام ..
الكل قاموا يتغدون .. وكالعادة بعد الغدى الكبار ساروا يرقدون اما الشباب تجمعوا بس حمدة مب عاجبنها يوم ان راشد مب موجود..
حميد استغرب ليش البنات عنده ماعدا حمدة سأل عنها..
حصة ردت: حمدة.. يالسة داخل تشوف التلفزيون.. حميد عرسك متى بالضبط..
حميد.. مب مركّز..ما ادري .. بس الشهر الياي..وقام جنّه تضايج.يوم طرت طاري العرس

[كل الغلا]

دشّ داخل البيت وسار لين المكان اللي حمدة فيه لأنه يبا يكلمها في موضوع هو متحير فيه..
حميد: السلام عليكم.. حمدة شحالج؟؟
حمدة: وعليكم السلام.. بخير ونعمة..انته شحالك.؟؟
حميد:بخير وسهاله..حمدة أبا اكلمج في موضوع وبليز لا ترديني؟؟
حمدة: خير شو الموضوع .. تكلم..
حميد:حمدة بصراحة انا احبج واغليج من زمان بس ما عرفت اني احبج هالكثر إلا هالوقت وانا خلاص بهوّن عن بنت خالتي..واباج انتي..شو رايج..
حمدة(تفكر شو بترد): شو شو شو ها شو قلت عيد مرة ثانية عشان استوعب ...(عاد لها ) وردّت:ليش بنات الناس لعبة عندك امس تخطبها واليوم تاخذ وحدة غيرها .. انا لو ما بقى انسان واحد في هالدنيا الا انت ورب الكعبة ما آخذك شو الدنيا فوضى عندك صج انكم يالرياييل ما تستحون جذيه باردة مبردة تقولها لي..

حميد( مصدوم من الكلام اللي يسمعه ويتذكر مب هاي اللي كانت تطالعه بنظرات حب وعشق شو فيها؟؟..مب هاي الوحيدة اللي ما باركت له على الخطبة..) قال في خاطره: صدق ان كيدهن عظيم..علقتني فيها وخلتني احبها اخر شي تطلع هي العاقلة وانا المهبول اللي يصدق كل شي...
حمدة..شافته يالس ما تكلم كلمة وحدة ولا حتى بطّل حلجه وسرحان إلى ابعد الحدود..قامت وسارت عند البنات وهي تقول في خاطرها:صدق انك انت يا راشد اللي قدرت تخليني اعشقك وانا ما كنت اشعر تجاهك باي مشاعر..

البنات كانوا مع الشباب خليفة وحميد ما كانوا موجودين ..فجأة دخل راشد وهم يالسين ..
راشد: السلام عليكم ورحمة الله وبركاته..
الكل:وعليكم السلام
حمدة: ورحمة الله وبركاته..
راشد: لج الاجر الكبير انشالله لانج رديتيها كاملة... شحالكم شو اليمعة هالمرة من دوني..
حصة: تبا الصدق مب شي حتى مالها طعم..
حارب: حددي طعم شوتبين..
سلطان: تنّكت ويا ويهك..محد ضحك..
حارب تقفطّ ...
سلامة:ما عليه تعيش وتاكل غيرها..
شيخة: شباب شو مخططين حق اليوم..؟؟؟
راشد: احنا مسوين لكن مفاجأة ..مادام حميد وخليفة مب هني كل وحدة تسير تلبس عباتها..
سلطان: يلله بسرعة اللي تتكلم مابنّخليها تيي ويانا..
حارب: بسرعة بنعد لين 10 اللي ماتوصل بنسير ونخليها ..
كلنهن سارن يلبسن عبايتهن..ورّدن .................مالقوا حد من الشباب..عصبّن واييييد..
حمدة: مالت عليهم حركة بايخة مثلهم..
حصة: ويا ويهم ياويلهم من الله يجذبون علينا...
سلامة: انتن صج خفيفات ماصدقتن حد يقولكن سيرن البسن عبايا..
شيخة: صج والله جنّه احنا يهال ولا بعد يالسة اعد لين ال10 عشان ارد قبل..
ويلسن في الحديقة يتضحكن على اعمارهن وكيف قصوا عليهن..
حمدة: انا جم مرة قلت بستوي رزينة وثقيلة بس ما قدرت..
حصة: حتى انا بس اشوفج واسوي مثلج..ياللـــــــــــــــــــــــــــه..

الشباب كانوا فوق السطح مال الملحق اللي برع يطالعون في البنات وكيف يالسات يلومن بعضهن (صدنليي) يعني فجأة طلع صوت ضحكت حارب المشهورة ..

البنات يدورن وين الشباب ما لقوهم راشد كان يأشر لهن بس مايشوفهم لأنهم فوق والبنات يدورّا تحت..
سلطان: احنا هني فوق..يالخبل ..
محد ردت عليهم...
نزلوا الشباب وقالوا لهم يلله بنسير البنات أونهن تأدبن ما قامن
راشد: يلله قومن أنا ما اجذب حتى تعالن وياي في السيارة..البنات يطالعن حمدة.اذا بتسير اول لأن البطات الصغار لازم ورى البطة العودة..
قامت حمدة..وقامن كلهن وراها ..ركبووا في السيارة البنات كلهن مع راشد وسلطان وحارب في سيارة بروحهم..
البنات سوا في حمدة حركة بايخة..الكل سارن وركبن ورا وهن ثلاث يعني ماشي مكان للرابعة غير جدام وحمدة بقت برع..
حصة: حمدوووة انتي الكبيرة يعني انتي جدام ..
سلامة: صج حتى احنا كلنا ماشالله مليانات يعني ماشي مكان اركبي جدام..
حمدة..حمّررررررر ويهها طماطة ..وركبن ..راشد خلاص طول الوقت بس مفتح عيونه على حمدة اونه يسولفون وهو طول الوقت يطالع..
حمدة: انزين احنا الحين وين بنسير .. شليّتونا من دون ما نعرف..
راشد: انا ما اقدر اخبر لأنها مفاجأة ..
شوي شوي..ولا السيارة وقفت عند سينما-------
حمدة..تعرف لأن ربيعاتها خبروها يوم سارن ان الافلام هني تكون هندية
حمدة: يـــــــــس بنشوف فيلم هندي اليوم..
حصة: يـــــــــــــس وناسه فيلم هندي..
راشد: حمدة بسألج هذي الببغاء مالج انا ملاحظ انج كل ما قلتي شي او سويته لازم هذي مثلج..
حصة: أولا انا اسمي حصة..مب هذي..ثانيا..انا
شيخة قاطعتها: اقول حصوووة لاتخربين علينا احنا يايين نستانس مب نتضارب..
راشد(وحليلة صج طيوب وما يقصد): لا خليهّا انا اسف ما كنت اقصد بس امزح وياج...
حصة: اوكي قبلت اسفك بس لا تعيدها..
حمدة: غصبا ًعنج بتقبلين..
سلامة: لالا ليش غصبا عنها شو بيصير..
شيخة: بس عاد انتوا راشد قوم ننزل يلله..
حصة: لا لحظة ليش غصبا ً عني..
حمدة: ( هاهاه وهقت عمرها نست ان حصة ملقوفة ممكن تخبر راشد.. عن اي شي ..) لأنج الحين بتشوفين فيلم حلووو وايييد..

ونزلوا عشان يشوفن الفيلم وحققوا الشباب أمنية البنات بس ما سارن سينما سينما بس البنات عندهن هالسينما مقبولة..

وأكيد الشباب وسلامة وشيخة ما خلوا حمدة وحصة يشوفن الفيلم عدل طول الوقت يتمسخروون عليهن و حمدة وحصة بسرعة يتاثرن باي شي حتى في الفيلم بكن يوم البطلة والبطل يصيحون .........
وخلص الفيلم وردوا الكل للبيت وكلن راحت بيته..




الجزء الرابع..


وبعد شهر عرّس حميد.. والكل حضروا العرس والعرس كان حلو..وسافروا العرسان لهم شهر عسل.. وعقب الشهر ردوّا البلاد..


وهكذا مرت الأيام والسنتين بسرعة و محد يحس..انها مرت..



وكالعادة العايلة تتجمع في كل اسبوع بس هالمرة تجمعت العايلة عند بو حميد لأن مرت حميد ربت ويابت أول حفيد لعايلة بوحميد..وسموه هزاع..
في هاليوم كان الكل يالسين مثل كل مرة كل مجموعة في صوب والشباب يلسوا في جهة من الميلس وقروروا انهم كلهم يبون يخطبون ويعرسون على بنات عمهم..
راشد: شرايكم ما نخبّر الكبار اليوم وتستوي الخطبة.
سلطان: والله فكرة بس منو بيبدأ فينا..
حارب :خلونا نخبر الحريم ونتفق وياهن وهن بيفتحن الموضوع..
سلطان: يلله عيل بنسير عندهن..
الشباب كلهم راحوا عند الحريم وخبروهن ووافقن وسارن يخبرن الكبار.. الكبار عجبتهم السالفة.. ووافقوا بس بقوا يخبرون البنات.. وسارت أم خليفة تخبرهن.. وكلهن استحن..بس في الاخير وافقن..

ام خليفة: لولولولولولولولولولولويش مبروك للكل في هالليلة..
البيت كله عرف ان الكل وافقن فالكبار اجتمعوا ويا الشباب عشان يقررون متى العرس و الملجة مع بعض بيكونن..

راشد: انا اقترح انه يكون في 15من الشهر الياي
سلطان: يعني عندنا شهر كامل اوكي زين..
حارب: حتى انا هالتاريخ عايبني وسهل عشان اتذكره
الكل على بركة الله..

البنات كلهم طول هالشهر روحات وييات عسّب يجهزون للعرس وبما انهم بنات عم أو بالاحرى خوات يحبن يطقمّن في بعض الاشياء مب كلها..

حصة وحليلها عايشة حالة نفسية سيئة لانها متعودة دايما على بنات عمها واختها ماراح تقدر تفارقهن.. وكل ما تشوفهن العبرة فيها..وتخنقها..ما تعرف شو تسوي من بعدهن..

مرت خليفة ومرت حميد يمرن عليهن اذا يبن مساعدة في شيء بس البنات ماشالله عليهن ما يحتاج احد يساعدهن..

حصة دخلت على البنات متجمعات في بيت بوحميد:
بنات نسيتوا ولاّ أذكرّكن ترا هذي اخر مرة نجتمع فيها قبل ما تعرسن بعد 15 يوم كل وحدة منكن بتكون في بيت بروحها هذا غير حمدووووة اللي بتسافر وبتعيش في الغربة بعيد عنا بتعيش في لندن وخلاص مابيهّمها شي .. صاحت حصة بس تكمّل كلامها هذا كله عشان حبيبها راشد..
البنات خلاص كل وحدة منهم تصيح ماقدرت تمسك عمرها من الصياح ..
مرت حميد فتحت الباب لقت الكل يصيح:بنات خير شو اللي صار حد استوى له شيء.؟؟؟ خايفة
شيخة: لا بس نصيح عشان كل وحدة بتعيش بروحها..
مرت حميد: الله يغربل ابليسكن تحريت شي صار .. ما عليه تراكن بتتلاقن..بس حمدووة الله يعين على فراقها...
بعد مرور ال15 يوم ...
اليوم العرس..
راشد: شباب انا بسير اسوي حمام مغربي حد يبا ييي وياي؟؟
سلطان: هيه دخيلك بيي وياك ترى ما فيني اسوق السيارة اليوم من الفرحة..
حارب: دامكم بتسيرون شّلوني وياكم..

البنات كلهن في الصالون مع بعض معاهن حصة..من الصبح
ماشالله عليهن كل وحدة احلى من الثانية.. طالعات قمر ..
وصلن الصالة وسيدة على الحجرة حق التصوير ودخلوا المعاريس عسّب كل واحد يتصوّر ويا مرته وشو صور صوروها يا ساتر.( ْ- ْ)
صار الوقت اللي لازم الاولى حمدة لانها الكبيرة تدخل الصالة..
دخلت وهي ميته خوف ومستحيه بس مرت خليفة تعّلمها شو تسوي ..
ودخلت سلامة الثانية ونفس الحالة اللي كانت عليها حمدة .. بس هي شوي أهون لان خلاص يكون التركيز والخوف عند الاولى..أكثر..
دخلت الثالثة شيخة خافت في البداية يوم دخلت لكن بعدين اخذت على الجو وبدت تبتسم بس محد عاد يدري هالابتسامة صج ابتسامة ولا ميته خوف...

الحين ياء الوقت اللي لازم الوحدة منهن خلاص تسير بيت المعرس..عاد الحين كل وحدة ماطاعت تنزل من الكوشة كل وحدة تقول قولوا حق الثانية..هي أول وهن يصيحن يقطعن القلب جنّهن أطفال صغار وأمهاتهم بعد يصيحين وحصة ميته صياح خاصة ً على حمدة.. اللي بتسافر.. وبعد ما تمن الحريم الكبار يراضنهن ياللله انهن نزّلن..وراحن السيارات .. أما الاباء فكانت أول مرة لهم أن دمعتهم تنزل على بناتهم..


حصة خلاص بس من بعيد تأشر لهن.. هذا إذا شافنها..بس وين الوحدة ما تعرف حد غير امها وتم تدّور عليها..
وصار العرس وكان يجننننننن كأنه من حكايات ألف ليلة وليلة..ومحد راح تنساها..


خلاص كل وحدة منهن وصلت بيتها ..

مر أول يوم وثاني يوم وثالث ورابع.. الاسبوع الاول خلّص خلاص تأقلمن شوي على الجو..

أما حمدة فباجر موعد سفرها هي وزوجها راشد..على لندن عشان دراسته وشغله بيكون هناك..
حمدة: راشد بسألك الحين صج خلاص معزّم تبانا نسافر؟؟ ..
راشد: اذا أراد الله انشالله ان احنا بنسافر.. بس ليش متضايجه ..مب فرحانه اني معاج.. ولاّ ما تحبيني.. ليكون انا اللي مضايجج؟؟..
حمدة: لا حشى والله مب انا اللي اقول جذيه راشد انا اقول:
ما اخترت حبك حبيبي قلبي اختارك
حتى انا ما اجــي ما بينه وبينك..
الشاعر: خالد المريخي
راشد:
اهديك روح ما بها كذب وخداع
علمتها بالغلا معــــنى الطهارة
علمتها ان الغلا ما يوم ينبــــاع
وان الحياة بدون حبك خسارة


حمدة: الله عليك الله يحفظك لي يارب..
راشد: آمين ويحفظج لي يارب.. انا الحين بسيير بييب التذاكر حق السفر وبخلّص جم شغله وبيي ..
حمدة: حتى أنا امي الحين بتمّر عليّ وبنسيير نشتري لي جم من شغله..
راشد: خلاص عيل يوم بتخلصين دقي علي يمكن اكون مخّلص
وايي واردّكن وياي..
حمدة: أوكيه في وداعة الرحمن..

[البرنسيسه]

الله عليش فلوونه عيني عليييش بااارده
قعي خليهم يومين بدون تكمله عشاان تحرقي اعصاابهم
والمكان اللي تنتهي فيه خليه يكون الموقف اللي يحرق اعصابهم
عشان يتشوقوا اكثر <<<< بيكرهوني الحين
لا هنتي عليهاا والله انهاا طرر معااد عطيتيني حق الدكتور

[نيشان]

قصه كل مره تحلا أكثر ...

بإنتظار التكمله ...

ومشكوره اختي كل الغلا

[محب الوطن]

الله الله اكبر

قصه بصرااااااحه رووووووعه

مسلسل جميل جداً قرأته من اوله الى حيث توقفتين وبا تابعه الين النهاية

مشكوره كل الغلا على اروع قصة

بس تخلصين المسلسل وانزل بداله مسلسل جديد من تأليفي

بس خليهم يتابعون المسلسل حقش وبعدها يكون خير



تحياتي وتقديري

[كل الغلا]

حصة في هذا اليوم تعبانة وايد خاطرها حد يوّديها عند حمدة تودعها.. شافها ابوها : حصووة شوفيج هالايام متغيّرة وايد ؟؟تعبانة فيج شي أودّيج المستشفى؟؟؟
حصة تقول في خاطرها: يالله هيه والله اني مريضة بس محد معبّرني..ما كنت اصدق اني لهالدرجة متعّلقة فيج..يا حمدووة..
بو حارب: حصوووووة انا اكلمج ليش ما تردين علّي..؟؟
حصة: أبوي ما عليه انا شوي تعبانة بس مب لازم اسير المستشفى..بتوديني حق حمدة لأنها باجر مسافرة....
بو حارب يعرف شكثر حصة متّعلقة في حمدة وفهم انها تعبانة لهالسبب.: حصة قومي تجّهزي و تعالي وياي..
حصة: وين بتوديني؟؟( مب مصّدقه)
بوحارب: ما يخصج بتعرفين بعدين.. هي لين الحين ما تعرف وين بيت حمدة فبعدها مب مصّدقه..
حصة: خبرني عشان اذا بنسير حق حمدة..ادق عليها اخبرها..
ما خبرها ابوها..

حمدة ويا امها ردّن قبل ما يخّلص راشد شغلته..ودخلن يرتبن الاغراض اللي يابنّها..

فجأة جرس الشقة يرن.. ام خليفة راحت تفتح الباب..
بوحارب: السلام عليكم..ليكون انا مغّلط في البيت.؟؟؟(يمزح)
ام خليفة: ليش انت تبا عند منو؟؟
بوحارب: مب ها بيت راشد.. ؟؟
ام خليفة: هيه بيته بس انا اليوم عند حمدة.. نرتب وياها حق السفر..حياكم الله تفضلوا..
حصة: عمووّه..حمدة وين مااشوفها..
حمدة سمعت صوت حصوووة..يت بسرعة خّلت اللي في يدها..
حصة: حمدووووووووة يالبايخة بتسافرين وتخّلينا بتسييرين وتنسينا.
حمدة: حصووة لاتقولين جذي مب انا اللي انسى.. وصدّقيني مابا اخليج بتم اكلمج على طول..

سلامة وشيخة..ودّهن يسيرن عند حمدة.. بس لا بعدهن عرايس ما يستوي ..كل وحدة دقت على حمدة..تودعّها..
لكن بو خليفة وبوحميد وام حارب وام حميد تجمعّوا عند حمدة

المهم راشد ردّ البيت وشاف الاهل متجمعين..استانس واييد
راشد: مرحبا الساع هلا والله.. محلانا يوم نكون متجمعين.. وعسى الجمعه دوم انشالله..
وبعد ما يلسوا وسولفوا وضحكوا ومزحوا
بو حارب: اسمحوا لنا عاد احنا الحين بنخليكم ..
راشد: عمّي وين سايرين خلونا بعد شحلاتنا واحنا يالسين..
بو خليفة: لا ولدي انتوا باجر وراكم سفر لازم تقعدون من الصبح عشان توصلون قبل موعد الرحلة تقريبا بساعة..
بو حميد: بل بل بل ساعة ليش شالله حادهم عليه..
بوحارب: اخوي من يوم يظهرون من البيت يبالهم نص ساعة لين مايوصلون المطار وعقب النص ساعة الثانية في المطار لين ما يخّلصون ختومات وحوسة وزحمة الدنيا..
ام حميد: يلله عيل اذا تميتوا تتكلمون مابتخلصون لين باجر..

الكبار :يلله عيل في وداعة الله..
أم خليفة: يلله ما اوصيج على عمرج وعلى ريلج..مع السلامة وتروحون وترّدون بالسلامة..
أم حميد: هيه ولدي الله الله في حمدة وانتي بعد بنتي الله الله في راشد..
راشد: انشالله لا توّصن حريص حمدة في عيوني الثنتين..
حمدة ما تقدر تتكلم العبرة خانقتها.. بس تهز راسها
حصة من بعيد تسلم على حمدة.. عشان كل وحدة ما تصيّح الثانية..
ام حارب: يلله عاد لا تقلبون الجو صياح ترا كلنا ماسكين دموعنا..
وراحن الحريم وهن كلهن يصيحن..

صباح اليوم الثاني..
طبعا ًحمدة ما رقدت كله قاعدة تصيح.. قعد راشد من الرقاد وترّيقوا وبدّلوا ملابسهم وسيدة راحوا المطار..
لين ما يوصلون المطار مر نص الوقت .........وصلوا المطار خلّصوا كل شي من ختومات وتفتيشات.. وتمّوا نص ساعة في الانتظار.. وبعدها .. طاروا في الطيارة .. تقريبا 8 ساعات لين ما يوصلون لندن..


في هالوقت .. كانوا عايلة بو خليفة متجمعين في الصالة الكبيرة..يسولفون ..
أم خليفة: بو خليفة تقول حمدة وراشد سافروا ولاّ بعدهم في المطار ينتظرون؟؟
بوخليفة: لحظة خليني ادق عليهم اذا ردوا يعني بعدهم في البلاد واذا ماردوا يعني هم في الطيارة.. (دق عليهم ماشي التلفونات مغلقه..
ام خليفة: فديتها بنتي تقّطع القلب امس كانت كل وقتها تصيح ما ادري عنها الحين شو بعدها تصيح ولاّ لا..؟؟؟!!(تتكلّم وهي تصيح)
شيخة: يا حيّها سارت بتتمشى وتشوف الثلج بس بتتذكرنا أول يوم وبعدين بتنسانا..

حصة دقت على شيخة اختها تتخبّرها عن حمدة..وتسألها ليش حمدووة تلفونها مغلق...

شيخة: حصوووة انتي شفيج لو اني انا المسافرة والله ما تسوّي لي هالحشرة كلها ؟؟؟؟
حصة: انجبّي انتي ويا ويهج تصدّقين اني الحين مرتاحة منج .. وثانيا لا تقارني نفسج بحمدوووة وين حمدة ووين انتي ماتسوين ظفرها شفتي ظفرها هذاك اللي تجنّه ظفر بيبي فديتها حمدووة والله اني اموت فيها...
شيخة: بس عاد الحين هي عندها ريل ما يسمح لج تقولين لها هالكلام..؟؟؟
حصة: هي مرت رااااااشد مب سلطون يمكن انتي عندج سلطون ما يسمح بس راشد اعرفه مابيقول شي لي .. وبعدين هو بعد قال لي حمدة مابتتغير عليج وانا وياها..
شيخة: انزين انزين كليتيني شو تبيني داقه عليّ ليكون بعد تبين تسأليني عن توأمج..؟؟؟
حصة: عليج لمبة( الليت).. هيه بغيت اعرف مغلق تلفونها ليش؟؟؟
شيخة: الناس يقولون عليج نور ..يالمحّرفة في كل شي .. هذي الله يسلمج هي الحين قاعدة تطير هي ويا راشد فارس أحلامها.. بدال ما يسيرون على الخيل ودّاها في الطيارة..
حصة: شيخوووة ليكون محترة ليش انتي ما سافرتي.. ويا ويهج اصلا انتي ويا سلامة ما تستاهلن ؟؟؟
شيخة: ليش ما يليق لنا ان احنا نسافر؟؟؟..
حصة: جم مرة بتم اقولج لا تقارنن نفسكن بحمدة.. حمدوووة غيييييير ..
وتمن يسولفن ويا بعض لين ما خلّص رصيد حصة وهي يالسة تمدح في حمدة ...

مر اليوم هذا هاديء في بيت بو خليفة خلاص البيت صار هاديء بعد ما سارن سلامة وحمدة منه..


الجزء الخامس



راشد وحمدة وصلوا مطار لندن كان الوقت في لندن يمكن عصر أو ظهر .. راشد دق على ابوه يطمنه انهم وصلوا بالسلامة وخبّره انه الحين لازم يسيرون لأقرب محطة قطار عشان يروحون للمنطقة اللي بيسكنوا فيها..وسلّم على الوالدة وتمت تدعي لهم وهي تبكي وتوصيهم على المحافظة على الصلوات وعلى انفسهم..

وبعد ما طمنوا الاهل .. ساروا لمحطة القطار انتظروا جم دقيقة عشان القطار اللي يبوه كان بعده ما وصل.. وبعد ربع ساعة بالضبط حدثت تفجيرات محطة القطار اللي في لندن..

في الوقت نفسه بو حميد وحميد كانوا يالسين يطالعون الاخبار وفجأأأأأأأأأأأأأأة طلع في التلفزيون شريط تحت عاجل وباللون الاحمر عن تفجيرات الارهابييّن في لندن في محطة القطار من ربع ساعة.. حميد قراه..ابوه مايقرا بس شاف حميد لونه تغّير ..
بوحميد: حميد ولدي شو فيك لونك تغيّر خير عسى ما شر يبوك انا ما اقرا زيّغتني شو المكتوب؟؟؟.
حميد: ابوي انته قلت لي انك تكلمت مع راشد من قبل شوي ..بس متى بالضبط..ووين؟؟
بو حميد: توني تقريبا من ربع ساعة وقال لي انهم في محطة القطار... ليش.. خير انشالله.. شي صار في لندن ؟؟
حميد: ابوي لحظه شوي.. (وطلع يدق على تلفون راشد.. يدق بس محد يرد..ردّ ودق على تلفون حمدة.. وهي تلفونها مغلق حاول مرة واثنين وثلاثةواربع وخمس بس ماشي فايدة)..و تأكد انهم من ضمن اللي في القطار ..مسك راسه..ودّه يصرخ بس ما يقدر مب عارف شو يقول حق ابوه..

الحين العايلة كلها يتصلون على بعض يبون يتأكدوون من الكلام ويستوي لهم نفس الشي راشد ما يرد وحمدة مغلق..

عاد الحين الحريم خبروهم ان حمدة وراشد من ضمن اللي ماتوا بوحميد مب مصدق ما عنده غير اثنين وبيبقى له واحد بس أما صغيره مات بس شد عزومه ورضى باللي كاتبه له ربه وقام يهدي ام حميد اللي صدق تعبانه من اللي صار ..
بو حميد دق على اخوانه والناس الكل عشان العزاء بيكون عنده.. هالايام الثلاثة كلها..

في بيت بو خليفة
بو خليفة أعصابه منهدة بس ما يظهرها جدام عياله لكن يوم يكون بروحه يتم يبكي يبكي ويقول ليته ما خلاهم يروحون..
أم خليفة مغمى عليها من يوم ما سمعت الخبر وكل ما تصحى ترد مرة ثانيه ويغمى عليها..حالتها صعبة ..وتيلس تنادي على بنتها وتصيح..وعيالها كلهم حواليها يهدّونها بس من كثر ما يشوفوها تصيح يصيحون معاها..

في بيت بو حارب
الكل محد موجود في البيت كلهم ويا حصة اللي من أول ما سمعت الخبر وهي انهارت وطاحت عليهم وهم الحين وياها في المستشفى...
ردّوا العيال وبوحارب بس ام حارب تمت عند بنتها لآنها ترّقدت..



الكل تجمعوا في بيت بو حميد لاستقبال المعزيين وكان يوم أسود ومحزن بمعنى الكلمة...

اليوم الثاني من الخبر المفجع
الأهل كلهم في بيت بوحميد للعزاء وكلهم في البيت والحالة في البيت كله أبدا ما تطمن الحريم كلهن عند أم حميد وام خليفة لآنهن تعبانات واييد وما ياكلن ولا يشربن.. طول الوقت صايمات..
سلامة وشيخة يحاولن مع عماتهن بس ماشي فايدة.. حصة يابوها من المستشفى .. وشافت عماتها وطاحت عليهن تصيح وتنادي على حمدة وتصارخ .. وتتذكر شو كانت هي وحمدة يسوّن وتقول حق الكل : يا ناس حمدة ما ماتت حمدة بعدها عايشة صدقوني وتم تعييد هالكلام أكثر من مرة ..تقول عندها احساس ان حمدة عايشة..
حارب ويّا سلطان سمعوا صوتها وهم يالسين منعزلين عن الناس حزينين على ربيعهم واخوهم راشد واختهم حمدة..قام حارب ونزل تحت وخّلا الحريم يسّون درب وسار وشّلاها وحّطها في الصالة وفهمها انها لا تقول هالكلام عند عماته ..
حصة: لا حمدة وراشد ما ماتوا
حارب: (وهو يهزها من كتفها) حصوووة كوني عاقلة لا تقولين هالكلام انتي بكلامج هذا بتخلين عمتي ام حميد وام خليفة يتّمون على أمل انه حمدة وراشد بيرجعون في أي لحظة حرام عليج اللي تسوينه ادعي لهم بالرحمة والغفران..
وعلى كلامج بيتّمون يفكروا مادام انهم ما شافوا الجثث يعني بعدهم ما ماتوا ..
حصة اقتنعت بهالكلام وتمت تصيح بروحها في الصالة ...

البيت كله متروس حريم يالسات عند ام حميد وام خليفة وصوت المسجل فيه القرآن عالي..

الرياييل نفس الشي بوحميد و بوخليفة الناس تعزيهم وهم كل منهم سرحان ويطالع في الارض...

حميد في الليل يالس في الحديقة سرحان بعد ما سارت الناس كلها يتذكر أخوه وحمده قال:
صدق الحياة تعلم اللي ما نفع فيه الـــعلام
وحتى القلوب الميته تبكي بوسط الزعزعه
مني سلام من أول الدنيا لآخرها ســــــلام
اللي يبي درس ببلاش يثمّن اللي يسمعه
النور خدعة فيزياء واليوم كذبّها الظـــــــــلام
ولا بقى من ظلم خلق الله ولا ضو شمعه
والضيق ضيق القبر- لا بالله - بصدور الانام
بالعكس يا بعض القبور إنها لميّتها سعه
والكسر هو كذبة رياضيات من بسط ومقام
والشاطر اللي يعرف إيش الحل يرفع أصبعه
نعم نعم ما فيه كسر ولا انكسار ولا انقسام
إلا انكسار الرجل لا جاه اتصال وروّعه
وانا لو توافد عليّ العلم وازداد الكلام
ان كنت ابا اكذب ثلاثه ما بكذب اربعه
أستغفر الله: كني اسمع صوته يرد السلام
مع ان قلبي حس بإنه آخر وداع اودعه
ياليت لي شوفه أخيره لو بعد شد الحزام
أقسم بربي لأنزل بنفسي وأقوم أجمعه
وأجمع اشلاءه واحطه في وسط عيني وانام
واذا كتبت اخر قصيده بازهمه واسمعه
وأقول يا (راشد) عسى اللي تسمعه مني تمام
اشتقت اسمع منك كلمة في قصيدي موجعه
من عادته يكون اول واحد بوسط الزحام
ومن عادته لا غاب جاب اعذار ما هي مقنعه
لكن هالمره يا كبر اعذاره وقلّ الملام
يا ليت لي حيله وابيع اعضاي واشري مسمعه
جعل بفمه شهادتين وجعلها مسك الختام
اللي تمر بقلبه وهي رايحه عنــــد اصبعه
الشاعر: نواف الدبلِ
وتم يبكي بصوت بروحه ومحد يدري عنه.؟؟.


مر تقريبا على هالحال شهر
والعايلة الجو اللي كانوا عايشينه في يمعاتهم الاولى تغير 180 درجة مع غياب راشد وحمدة..

[كل الغلا]

أما في لندن..

حمدة وراشد قضوا هالشهر مستانسين ما يدرون عن اي شي صار لاهلهم لان في محطة القطار نسى راشد تلفونه على الكرسي اللي كانوا يالسين عليه .. وتلفون حمدة مقطوع خطها بس يستقبل .. يعني ما عندهم.. وسيلة اتصال عشان يكلمون اهلهم.. ويوم الاهل كانوا يدقون على تلفون حمدة كانوا في القطار وما في هناك ارسال..

حمدة: راشد منت ملاحظ محد دق علينا ولا سألوا عنا.. انا بصراحة مشتاقة وايد لهم..؟؟
راشد: حمدوة حياتي هم يعرفون ان احنا في شهر عسل عشان جذي مايبون يضايجونا..
حمدة: راشد حبيبي انا بقولك شي بس ما تزعل مني؟؟
راشد: قولي لا تحاتين جم حمدة عندي عشان ازعل منج؟؟
حمدة: انا خلاص تضايقت هني في لندن ومب مستعدة اني ايلس طول فترة دراستك لاوبعد شغلك انا بصراحة ابا ارّد البلاد هناك عند الاهل واليمعة كل اسبوع وين هني والله ما صدقت متى يخلص هالشهر وانا بعيده عنهم ولا حتى اكلمهم..صعب..
راشد: بيني وبينج انا حتى ما اقدر اتم هني بعيد عنج وعن الاهل..انا بحوّل دراستي هناك في اي كلية اجنبية عندنا..الحين شو رايج انرّد باجر فجأة من دون محد يدري ونسويها مفاجاة لهم..

حمدة طارت من الفرح مب مصدقة : راشد من جدّك تتكلم؟؟؟
راشد: لا من خالي هيه والله من جدي اتكلم قومي الحين بنسير نشتري حق الكل هدايا..انتي اختاري للحريم وانا بختار حق الرياييل..

اشتروا وخلصوا وجهزّوا اغراضهم والسفر بيكون تقريبا الضحى عشان يوصلون الليل..
في الليل يالسين في البلكونة...الحبايب
راشد:تلومني فيك يوم أغليك..
يا أغلى جروحي ومشقيها..
أبيع كل البشر و اشتريك..
حاضر سنيني وماضيها..

حمده:أغليك وأغلي بالمحبة ترابك
ولك من خفوقي بالغلا طاعه وسمع..
فيصل بن خالد بن سلطان..
وراحوا يرقدون..


استوى الصبح
قعدت حمدة من الرقاد وجهّزت الريوق ولين ما يقعد راشد طلعت في البلكونة تطالع في لندن المدينة اللي شوارعها متروسة سيارات والزحمة وأصوات الهرنات في كل مكان والناس يمشون اللي ساير لشغله واللي يتمشى واللي يسوي رياضة ....حللللوة لندن..

راشد قعد من النوم وقاعد يتريق ودخلت حمدة وقالت:
راشد يوم تتريق وتخلص نبا نسير في الحديقة اللي تحت نتمشى قبل لا نرد البلاد انزين..
راشد: والله انج متفيّقه وين نسير توني قاعد من الرقاد وتقولين نتمشى سيري بروحج..
حمدة: الله وناسة بعد بروحي بدق على جارتنا اللبنانية وبتسير وياي شو تّحسب اني بخاف وما اطلع..
راشد: هيه انتي تبيها من الله تسيرين بروحج انا ادري انتي ما تخافين انتي تخوّفي وبعدين من صجج تبين تدقين على الجيران من صباح الله خير ..
حمدة: ليش شو فيها ؟؟ هي قايله ايمتى تكوني لحالك بدّي اتمشى انا وياك..
راشد: هيّ آلت هيك..(يتكلم لبناني)
حمدة: هيه وتباني أحلف بعد..؟؟؟
راشد: لا خلاص..انا بروح ويا حياتي وعمري وقلبي ولا تدقين على الجيران ولا تسيرين بروحج..
وساروا وتمشوا وشافوا لندن المدينة قبل لا يردّون البلاد .. وراحوا عقبها المطار وسافروا...


في الامارات....


حّطت الطيارة في المطار محد مستقبلهم لانهم من الاساس ما خبّروا احد مسوينها مفاجأة..
راشد: حمدة تقولين الاهل هالجمعة وين متيّمعين..؟؟؟
حمدة: انا ما اعرف .. بس احساسي يقول في الشرقية بيت عمي بوحميد..؟؟
راشد: وانا بعد بس خلينا نتأكد .. هيه صح كنت بخّرب المفاجأة كنت بدق على حميد ... كيف نعرف؟؟؟
حمدة: دق على عبدالسلام اللي يسقيّ الشجر اللي في حديقة البيت يمكن يعرف..
راشد: صج والله طافتني..(ودق عليه وخبرهم انهم في بيت بوحميد )
حمدة: الله اول مرة احساسي يصدق..

وراحوا على البيت سيدة.. ودخلوا الاهل كلهم كانوا في صالة الطعام أما راشد وحمدة يلسوا في الميلس الكبير..
الاهل خلّصوا العشاء.. وسار بو حميد اول واحد للميلس.. شاف ظهر حرمة وريّال ما عرف من هذيلا وشو يبون..(لان راشد وحمدة في بالهم انهم ماتوا خلاص )
بو حميد من بعيد: بسم الله الرحمن الرحيم منو هذيلا ..السلام عليكم يا حياكم الله تفضلوا اقربوا على العشاء ويانا..

مارّدوا ..الاهل سمعوا بو حميد يحّي ويسلم كلهم قاموا حتى الحريم
راشد وحمدة وقفوّا..
حصة عرفت حمدة من شكلها من ورى صارخت :حمداااااااااااة (بس لانها بعدها تعبانة ماقدرت طاحت مغمى عليها)
حمدة طالعت ورى و لقت حصة طايحة في الارض يتها تركض وتصارخ وتصيح ولوت عليها..الكل كانوا منصدمين من اللي يشوفونه بعدهم مب مستوعبين اللي يستوي.. بو حارب يالس يهديّهم ويّوخرهم عن بنته عشان تتنفس..ويصحّيها.. ام حميد سارت بمشيتها البطيئة من حزنها اللي كان على ولدها ولوت عليه أم خليفة تصيح وهي حاضنه بنتها اللي مب مصدّقه ان بعدها حيّه وحمده معاهم تصيح وهي مب فاهمه شو اللي صاير هذا كله لانهم اشتاقوا لهم ولا شو السالفة؟؟؟؟..
راشد: شو فيكم تصيحون وكلكم أشكالكم منصدمين..؟؟؟ خير عسى ما شر ؟؟؟...
بو خليفة والدموع في عينه: يبوك احنا فرحانين ومنصدمين في نفس الوقت احنا نتحراكم مع اللي ماتوا في التفجيرات اللي في لندن..
حميد: هيه وسوينا لكم عزاء وأمي وعمتي وحصة بغوا يموتوا عليكم.!!!
بو حارب: ليش يا ولدي ما تردون علينا يوم نتصل عليكم هذاك اليوم؟؟؟
راشد: يا عمي هذاك اليوم انا نسيت تلفوني في المحطة وتلفون حمدة يوم احنا في القطار ماشي ارسال وبعدين انقطع بس يستقبل؟؟؟؟؟

حارب: انزين كيف صارت التفجيرات في نفس الوقت اللي كلمتنا فيه وانتوا ما استوى لكم شيء؟؟؟

حمدة: احنا كلمناكم وبعدها يمكن بثانية بس وصل القطار حقنا وتحركنا وبعده بشوي صارت التفجيرات...
حصة فرحانة وايد وماسكة ايد حمدة:انا قلت لكم انه حمدة وراشد ما ماتوا بس ما صدقتوني انا احساسي دايما صح..وانتي مرة ثانية مابّخليج تسافرين بدوني وياج انا وين ما سرتي..
سلطان: اي انتي اقولج شو احساسج هذا الله كاتب لهم يعيشون ويسلمهم من التفجيرات مب احساسج هذا عشان لا تعتمدين عليه في كل مرة..

ام حميد: بصراحة احنا نبا نسوي عزيمة كبيرة لهم عشان رجعتهم لنا بالسلامة..
بو حميد: اي بصراحة لازم وبنعزم كل الناس..

وسووا عزيمة كبيرة يمكن مثل الملجة يوم سووها...وحلوة..

وعادت الحياة والبسمة لهذي العايلة اللي اساسها وعمودها يمعتهم الطيبة..


الشباب كل واحد منهم صار عنده عيال والكبار صاروا اجداد وحصة كبرت وعرست ..والعايلة ماشالله يوم عن يوم تكبر..


وخلصت قصتي واتمنى انها عجبتكم وما كانت مملة وبعترف باعتراف بسيط.. هو ان القصة كلها من الفها الى ياءها من وحي الخيال بس كتبت في البداية من الواقع عشان تتخيلوها وتقروها معاي...


أختكم كل الغلا..

[كل الغلا]

خلصت واتمنى من اي حد عنده تعليق او سؤال او راي يتفضل ويقوله..؟؟

محب اوكيه دورك ترى خلصت وبانتظار قصتك على احر من الجمر..
مشكورييييييين كل اخواني الاعضاء والعضوات اللي شاركوني بمرورهم على قصتي
واتحفوني بردودهم..


تحياااااااتي

[بنت المملكه]

قصه حلوه وحلقه ممتعه
اشكرك اختي كل الغلاء

[محب الوطن]

كل الغلا شكراً على روعة المسلسل والابداع


وقريباً انشاء الله انزل موضوعي





تحياتي




محب الوطن

[بخيته]

مع انش قلتي لي القصه بس خليتيني اقراها مره ثااانيه وياااااهووو كلاااااام داااار فييي خاااااطريييييييـ واقوووووول يااااارييييييييت لوووو كاااانت اممممممم

بس وش نقول ... هههههـ تسلمين يا الغاليه وننتظر جديدش .. صدقيني يمكن حد من المؤلفين يلطشها ويعرضووهااا ...