رميت اشعاري

[العيون-الحزينه]

على كثر الوجيه اللي صدفتني مابهم احباب
لأني كنت بالنيّه ونيّاتي غدت جردا
أقلّب صفحة الماضي ويعوّد قلبي المنصاب
أشوف الناس بلا معدن ومعادن شفتها تصدا
ألا ياليت دمع العين ما قد بلّل الاهداب
غدى دمعي يخاويني ودمع العين ما أقدا
أشوف الناس تتقلّب وانا اللي ماحسبت حساب
وانا اللي كنت احسب وفاي عند الناس اهو مبدا
أشوف الناس تتغيّر بلا حجّه ولا اسباب
واشوف ان الخوي يطلب ولافي يوم لي اهدا
اقلّب فكري الحيران واشوفه من الزمن قد شاب
واشوف ان الزهر ذبلان وقبل اليوم كان اندا
واشوف ان المحبّه اليوم كما بيت(ن) بليّا باب
أنا قد زرت هذا البيت لكن ليته لي اسدا
لأني كنت انا الوافي ولابي شي ابد ينعاب
لأني كنت انا الصادق..بعمري دايم(ن) أفدا
انا قرّرت اعيش العمر وتالي عمري ابمخلاب
لكلّ اللي جرحوا قلبي انا في جرحهم أبدا
رميت اشعار قد كتبت بزمان(ن) كان لي احباب
رميت اشعاري واتحسّفت قلت ألحق ولا أمدا
ومدام ان الوجيه اللي صدفتني كلّها انياب
أنا اعلنت احاربهم على حساب انهم اعدا
ومدام ان العدو اصبح شريك بزمرة الاصحاب
انا ماشره على وقت(ن) تحوّل من ردي لأردا
ومدام ان الزمن اقفى وانا توّي صغير وشاب
ياجعل الموت ياخذني اذا لي معدن(ن) يصدا
وكلّ اللي يحبوني وقد ابدوا لي الاعجاب
وانا عبود وماتغيّر أعيش وحافظ المبدا

[الجريح]

مشكووووووووووووور اخي العيون الحزينه




مشكوووووووووووور على هذه الابداعات




منتضرين منك المزيد

[أسرار]

اشتقنا لطرحك يالعيون الحزينه عسى تعود بالخير

[الحزين]

بسم الله الرحمن الرحيم
.
اخي العيون الحزينه
.
نص متألق شعوراً وكلمات ومضموناً
أجدُ أن هذه المقعطوعة تحاكي واقعاً لشخصك
حقاً ابدعت في نضم شعورك
تأكـد أنني سانتظرك في هذا الركن مراراً
.
.
دمت بخير ،،،،،،،،،اخوك الحزين