القصيده :قبل اعرفك دنيـاي ضحـكا وتنكيت
قبل اعرفك دنياي ضحكا وتنكيت=مرتاح قبل اعرفك يازين عياب
لكن انا استاهل تسرعت واخطيت=اعطيت قلبي وحش مزقه بانياب
ياقلب سامحني فوالله حبيت=وفديت بك حبي لابو خد جذاب
ريما شبيه البدر مايوصفه بيت=في مبسمه وحده يبي وصفه كتاب
اطالع في عيونه ولايوم مليت=وانسى معاه اسمي واجداد وانساب
واعشق سواليفه على كل توقيت=صوته هو انفاسي ولاعيش لو غاب
عزاه لابو دعاس ادمنك واقفيت=حتى الامل لو راح والله ماطاب
ماله سوى طبك يداويه ياليت=ترحم خفوقا اه من سهمك مصاب
تنزف شرايينه ولو شفته ارثيت=عدوانه ارثوا له فمابال الاحباب
وين الوفاء والحب والعهد سويت؟=وينه حبيبي تبخر ياترى ام ذاب!
اصممت اذني بحبك لي وكم عديت=اشواق - لهفه ومدري وش تبعها كذاب
اسف على حب من دم الوريد اسقيت=اسف ياقلبي وياروحي وياالاهداب
عذبتكم في هوى قاسي ولا اتأنيت=مايعرف الحب فكركم دمى والعاب
يصب مويه على ناري ومره زيت=كابتن ولعيب يتلاعب على الاعصاب
اسهر عيوني - سحرني , لا وبل حاكيت=حاكيت نفسي ولا يرفق بحالة شاب
كله براءه وصوته فيه انا انغشيت=لا ماتوقعت ذاك الريم يطلع داب
الحب بلوه وانا ياللاسف طبيت=ونيت من جرح الامه تعوي ذياب
في حب محبوبي تجرعت ورويت=علقم وقلبي كان يسقيه اعناب
على نار اتحرى وصالك ولا جيت=وان قلت انا اجي لك تسوي لي عقاب
مااقوى على فرقاك حاولت ماقويت=احبك واغار عليك من ريح هباب
ووالله لاقابلك لو اني حييت=وامسك على يدينك وابشرك باعجاب
واحضنك واشكي لك بما فيك عانيت=واقول ضميني ترى القلب لهاب
ومحد(ن) يفرقنا ولو كان عفريت=لا والذي زينك مااضرب له حساب
ياظبي صيادك يولع بكبريت=بحرق بلد لاجلك لك الله ماهاب
هذي حقيقه ثق ولو رحت تكريت=والله لااجي لك على رغم الاشناب
هذي هي اشواقي من الدم خطيت=حتى ولو فيهاعلى القطعه عتاب
