القصيده :ومد النظر في كل هيفا ودبدوبه
دلا لاتعوق النفس يالخاطر المجـروح=ويارب غيري في الهوى غير ادروبـه
كفا الله رامي سهم عينه سكن باللـوح=الامدها في الوعـل ماتخطـي اجنوبـه
تصبر على ماجاك باب الهوى مفتـوح=ومد النظر فـي كـل هيفـا ودبدوبـه
ولاني بواحد سار في عشقته مفضـوح=ولامن رمى له ظبي بشر هل الجوبـه
ومافات لاتكثر عليـه الاسـا والنـوح=ولو مامضا في وقتنا ايـام محسوبـه
ومسموح من يعبث بطبعي معه مسموح=الا حدتـه الايـام واتغيـر اسلـوبـه
انا لارفعت الصوت ماينسمـع مبحـوح=وكثر النصايـح للغبـي زادت عتوبـه
سلامي على صاحب غلاته غلات الروح=وليف المحبه دايـم يصـون محبوبـه
محشم عن الزلات له في هواه طمـوح=وياليت ماوقت الردى خـان مطلوبـه
عسى انه يقوم الحظ له والبروق تلوح=وتشفى النفوس الي من الهم متعوبـه
عليك الله المعبـود ياوقتنـا المليـوح=على البعد سارت فيك الاحباب مغصوبه
وبالذكريات تعيش في جوها المشحوح=وكلاً ونـاره داخـل الـروح مشبوبـه
وياما عيون بخدهـا دمعهـا مسفـوح=وياما قلـوب تحـن وكبـود ملهوبـه
وياوالله الي من سلـم منهـا مربـوح=ولكـن ماظنيـت حـد خالـي ذنوبـه
شباب العمر حد فيه ذابح وحد مذبـوح=ورب الخلايق يغفـر الذنـب بالتوبـه
وبالله توكلنـا ركبنـا سفينـة نــوح=وعنـدالله اقـدار المخاليـق مكتوبـه
