القصيده :تكـــــــــــفون دلـــــــوني !!!!!!!؟
بين المكان وبيـن جرحـي وشوقـي=
ثقلت خطاوي الرجل كن شي بها عوق
تابا علـي نفسـي اراضـي خفوقـي=
والفكر بين الجرح محتـار والشـوق
من حيث كانت لي السوالف تروقـي=
و الجو يحلا لي مـع كامـل الـذوق
محبوب جا ذوقه على حسب ذوقـي=
شتت ظنوني به مـع كـل طـاروق
ياكيف يجرحنـي وانـا بـه شفوقـي=
والموت لا جا الجرح من عز مخلوق
تاهت بي الخطـوه وياكبـر عوقـي=
اصبحت في سجن الهواجيس موثـوق
هل اغفر الـزلات وانسـى حقوقـي=
واقول له مسموح والقلـب محـروق
من حيرتي في الامر جفت عروقـي=
لا قادر اتقدم ولا ابقـا وراء الطـوق
قلت بي الحيلـه وقصـرت دحوقـي=
وانا الذي نجمي تعدى السحب فـوق
وغنيت من مابي على احلا الطروقي=
ياهل المحبه كـل عاشـق ومعشـوق
تكفـون دلونـي علـى فـك عوقـي=
والعمر مـن دورات ليـام مسـروق
