القصيده :انته وأنا والقلـم والنـاس نتكلـم
انته وأنا والقلـم والنـاس نتكلـم=واللي رحل يا خويي جفت أقلامـه
عش كل لحظة وساعة قبـل تتألـم=وشهر ما ينصفك لا تحسب أيامـه
هذي حياتك وربك بالخفايـا اعلـم=مالك وللناس خلـك رافـع الهامـة
والناس قالوا من أول من حذر يسلم=بس إن بعض الحذر مذمومة أقسامه
لا بد مـا تدخـل الساحـة وتتعلـم=وتفهم العصر لا يخطيـك مقدامـة
سابق ولاحق وزاحم بعـد وأتقـدم=وعش حياتك وعنك الوهم واحلامة
ما دام جاهك رفيعن أنت مـا تنـدم=واللي يعزك تعـزه والوفـاء دامـه
وتعرف الحق والواجب ولـه تعلـم=هذا هو خير من يأتيـك بإعلامـه
واعرف لكلن مكانه حيث ما ينعـم=وصاحب الجيد في حلّـه ومعزامـه
وانته وأنا والقلم والنـاس فينـا دم=بس القلم لا تكلـم خـط مرسامـه
